Covalima (RCCT) 16-03-23-Komisaun Nasionál Eleisaun (CNE-sigla Portugés) nudar orgaun administrasaun Independente, ho nia kompetensia, kompozisaun, organizasaun no funsionamentu regulada ho lei maka superviziona resenseamentu no aktu eleitoral iha Timor Leste no diáspora haktuir konstituisaun RDTL artigu 65.6.
Nudar orgaun administrasaun eleitoral iha pais ida ne’e, CNE iha responsabilidade atu kapasita Ofisial Supervizaun Eleitoral (OSE) iha Covalima hodi hasa’e sira nia koñesimentu nune’e bele garantia imparsi
“CNE iha responsabilidade atu fo kapasitasaun ba Ofisial Supervizaun Eleitoral (OSE) ba iha eleisaun ne’e, ne’ebé rekruta tiha ona ba Munisípiu Covalima nian purvolta ema na’in 222 atu sai hanesan Ofisial Supervizaun Eleitoral ba eleisaun parlamentar ne’ebé nai prezidente republika dekreta tiha ona monu iha loron 21 fulan Maiu 2023” informa Komisariu CNE destakadu Aileu no Covalima, Calistro Martins, ba jornalista sira hafoin fo formasaun ba OSE ne’ebé hala’o iha salaun Eskola Sekundaria Geral Publika (ESGP) Kinta (16/03).
Nia subliña, kapasitasaun ba OSE sira para bele dezenpeña funsaun hanesan supervizor ba iha aktu eleisaun ne’ebé maka sei realiza husi tékniku sira husi Sekretariadu Tekniku Administrasaun Eleitoral (STAE).
Komisariu CNE destakadu Aileu no Covalima ne’e afirma formasaun ba OSE iha Covalima sei hala’o durante loron 3 hahu ohin no sei remata iha loron sabado semana ne’e, materia ne’ebé sei delibera husi fasilitador sira mak koñesimentu ho relativamente papel orgaun administrasaun eleitoral CNE nia papel no mos atu OSE sira bele iha koñesimentu konaba CNE.
Jornalista : JS
Editor : CN
