Covalima-27-08-2020-Centru Comunidade Covalima (CCC) fo formasaun ba Komunidade sira iha salaun Centru Comunidade Covalima konaba oinsa maka feto ho mane bele fo oportunidade ba malu.
Kordenadora ba Desenvolvimento Feto Rurais, Hilaria Amaral do Carmo afirma, liu husi formasaun ne’e atu bele hasa’e konhesimento konaba igualidade generu nebe feto ho mane bele fo oportunidade ba malu atu nune’e feto bele hola parte iha foti desizaun.
“Objetivo husi formsaun ida ne’e atu hasa’e insensia no kuinhesementu konaba oinsa mak feto no mane sira bele fo oportunidade ba malu atu nune’e feto mos bele hola parte hodi foti mos desijaun” Tan ne’e Hilario dehan “iha trennamentu ne’e rasik ami involve fen no laen sira hodi nune’e sira bele komprede liu tan lalaok konaba igualidade generu.”katak Cordenadora ba Desenvolvimento feto rurais, Hilaria Amaral do Carmo liu husi intervista ho jornalista RCCT Quarta Feira (26/08/) depois remata fasilita Formasaun iha Salaun CCC.
Relasiona asuntu ne’e, Xefe Aldeia Mane Ikun, Suco Suai Loro, Santina de Jesus sente orgulho ho formasaun ne’e, tamba durante ne’e mane barak maka la fo oportunidade ba feto, tamba ne liu husi formasaun ne’e bele hasae sira konhesimento oinsa maka bele fo oportunidade ba malu.
“hau senti orgullu tebes tamba ami mos bele involve aan ho ita nia maluk mane sira, atu nune’e maluk mane sira bele fo mos oportunindade ba ami feto sira”
Xefe Aldeia ne’e Hatutan dala barak mane sira la fo oportunudade ba sira.
“Durante ne’e ita hare katak mane sira ladun fo oportunidade ba ami feto sira, tamba ne’e iha formasaun ohin nebe involve maluk mane sira ne diak tebes tanba bele loke maluk mane sira nia hanoin klean liu tan hodi bele fo biban mai ami feto sira fodi foti desizaun.”Tenik Xefe Aldeia Santinan ba Jornalista RCCT Qurta feira (26/08/20) hafoin partisipa iha formasaun ne’e.
Formasaun nebe hala’o iha salaun CCC ne’e foka liu ba asunto igualidade generu no mos violensia baseia ba generu, violensia domestika no siklu violensia.
Journalista : Janu / Jhony
Editor : Chamot Nahac
