Covalima (RCCT) 22-04-25- Centru Comunidade Covalima(CCC), liu husi Programa Rai Matak hamutuk ho Servisu Florestal iha Munisipiu Covalima halo sosializsaun ba komunidade sira iha Aldeia Foholulik no Maubesi, Suku Beiseuk, Postu Tilomar, atu evita utliza propriadade estadu atu labele utiliza Rai estadu no Hutan ke Masyarakat (HKM) ne’ebé Governu Indonezia husik hela iha tilomar.
Programa Maneger CCC, Januario de Fatima hatete, realiza sosializasaun ne’e tanba, bainhira iha implementasaun Programa Rai Matak CCC laiha kompetensia atu rezolve konaba desputa rai.
“Objetivu ba ita nia aktividades ohin loron Ita halo sosializsaun Iha Beiseuk, Aldeia foholulik ne’e konaba Rai Matak ne’ebé ezite ona iha Tilomar kuase tinan lima ona no ita atu esplika ba sira hatene k’lean ita nia programa ida ne’e ho longo prazu ne’ebé implementa karik labele ba ema nia Rai ou ba Rai estadu hodi nune’e to’o ikus labele iha dez-intendimentu ho komunidade ho programa rasik, tanba programa la iha kompetensia atu rezolve konaba Rai, tanba ne’e mak bainhira atu implementa iha fatin ida ita tenki sosializsaun informasaun uluk atu nune’e sira bele komprende uluk programa ninia lalaok tamba ita nia programa ida ne’e ho longo prazu” Programa Maneger CCC, Januario de Fatima.
Reprzentante Diretór Corpo Guarda Floreta Munisipiu Covalima Julião da Silva fundamenta hodi husu ba komunidade sira ne’ebé partisipa iha programa rai matak, labele kuda no tesi ai iha area HKM.
“Ohin loron ami Guarda floresta to Iha ne’e Tamba Iha Aldeia Rua ne’e Besik los area rezerva Hutan ke Masyarakat HKM, Tanba ne’e ohin ita hamutuk ho programa Rai Matak fahe informasaun ba komunidade sira, tanba Programa Rai Matak atu implementa iha Aldeia Foholulik, atu nune’e ami bele toma atensaun kedas hodi nune’e labele koko kuda ai iha Rai HKM no labele tesi ai arbiru no labele kuda ai Iha Rai HKM hodi nune’e labele mosu problema iha loron ikus tamba programa Rai Matak ne’e ho durasaun Tempu ne’ebé naruk” Julião, dehan.
Entretantu Sosializsaun ba komunidade sira ne’e partisipa husi Guarda Floresta no Staf Rai Matak, Veteranus, Komandante UPF, inklui komunidade sira iha Aldeia Rua hanesan Foholulik no Aldeia Maubesi, Suku Beiseuk.
Jornalista : Alfredo Barreto
Editor. : Chamot Nahac
