Kordenadora Programa Dezenvolvimentu Feto Rurais Hilaria Amaral do Carmo hateten inkontru ida ne’e fo benefisiariu ba iha feto, no komunidade sira mai husi Grupu Feto potensial, no ba membru estrutura Konsellu Suku no mos Komunidade LGBTI, no Ema ho Difisiensia, inklui feto sobreviventi sira.
“Tuir Centro Comunidade nia tarjetu katak enkontru ida ne’e ami nia tarzeitu ne’e direita ba iha komunidade sira liu liu komunidade sira mai husi grupu feto potensial no ba membru estrutura Konsellu Suku, mai husi Komunidade LGBTI inklui mos maluk ho difisiensia sira no mos feto maluk sira husi sobreviventi ne’ebé mak iha pasadu hetan violasaun oioin hasoru sira ida ne’e mak ami nia benifisiariu, tanba hanoin katak komunidade sempre hasoru problema oioin entaun ami konvida sira mos sai hanesan parte ida oinsa atu ajuda advokasia ka hato’o netik informasaun mai husi komunidade sira” Kordenadora Programa Dezenvolvimentu Feto Rurais Hilaria Amaral do Carmo
Iha fatin hanesan Lia na’in Suku Lalawa, Felizarda Moniz da Costa hateten nia sei habelar informasaun ne’ebé nia hetan iha formasaun ne’e ba iha feto sira ne’ebé durante sai vitima tanba la’en sira abandona maibe la brani no la hatene dalan atu hato’o keixa.
“ha’u nudar lia na’in iha ha’u nia suku ha’u bele pasa informasaun ne’e ba ha’u nia komunidade liuliu ba feto sira ne’ebé ke durante ne’e mane abandona, ha’u bele konsola sira oinsa lori sira mai fatin hakmatek atu nune’e enkoraza sira bele lori sira mai iha fatin hakmatek tanba durante ne’e problema hanesan ne’e barak los iha ami nia suku, tanba ita la hatene dalan oinsa atu bele lori sira mai dala ruma ita atu lori sira mai sira ta’uk sira nia la’en sira dehan “o ba mak ne’e mais o fila mai ha’u la hola o ona” ho ida ne’e mak sira ta’uk atu hato keixa ne’e mai ami nudar lia na’in ho konsellu suku tomak sira atu hato’o mos sira ta’uk liu liu sira ta’uk ba familia mane nian kuandu ita lori problema ne’e ba leten fila fali mai mane ho nia familia sira lakoi atu simu ita ona ida ne’e mak importante tebes iha ha’u nia suku durante ne’e” Katak Lia na’in Suku Lalawa Felizarda Moniz da Costa.
Aktividades ne’e hala’o iha Salaun Centru Comunidade Covalima, partisipa husi Fokupers,Polisia VPU, Paradet no Komunidade sira husi Grupo Feto potensial, Menbru Estrutura Suku, no komunidade LGBTI, ema ho difisiensia inklui feto sobreviventi sira.
Entretantu, hahu Kedas iha Tinan 2000 to’o agora, Centro Comunidade Covalima liu husi governu lokal Covalima habelun malu guvernu lokal sidade Port Philip (CoPP) liu husi Belun ho Suai/Covalima (FoS/C) iha Melbourne, Australia.
Jornalista : Moichung
Editor : Chamot Nahac
