Partisipa iha eventu ne’e, Representante Administrador Munisipiu Covalima Albino Carvalho Lelo hateten violensia hasoru feto no labarik feto ne’e mosu husi dez-igualidade entre jeneru iha familia, hodi hamosu violasaun ba diretus humanus no halo diskrimnisaun ba Jeneru.
“Violensia kontra feto no labarik feto akontese iha fatin hotu-hotu, violensia hasoru feto no labrik feto hanesan mos violasaun ba direitu humanus no halo diskriminasaun ba jeneru ba vida feto nian, violensia hasoru feto no labarik feto ne’e nia abut mai husi dez-igualdade entre mane no feto iha fatin hotu bainhira ida-idak defende ninia karakter egoismu mane sira hodi halo presaun ba feto no labarik feto sira tuir doutrina kultura nian nian hanesan kustume ne’ebé akontese, maibe ohin loron lei iha ona ema hotu-hotu atu hetan liberdade, hetan direitu no feto mos hetan direitu liberdade hansan, tanba ne’e husu ba ita hotu mai hamutuk hakotu violensia hasoru feto no labarik feto no haburasaun relasaun saudavel iha komunidade nia let” deklaran Representante Administrador Munisipiu Covalima Albino Carvalho Lelo
Diretór Centru Comunidade Covalima, Alberto de Jesus Barros haktuir halibur feto no mane sira atu sensibliza ema hotu no ba mane atu respeita feto no fo tempu ba feto atu involve iha dezenvolvimtntu komesa husi baze ba to nasional.
“Centro Comunidade Covalima kada tinan sempre selebra kampaña loron 16 ativizmu violensia hasoru feto no labarik feto iha mundu, ne’ebé ohin ne’e ninia objetivu maka ita halibur feto no labarik feto inklui mane sira iha munisipiu Covalima atu nune’e bele sensibiliza ema hotu-hotu liliu ba mane sira atu bele respeitu feto, nune’e hodi fo tempu ba feto sira iha dezenvolvimentu hahu husi baze to’o nasional, ida ne’e mak objetivu prinsipal husi CCC tinan-tinan halo selebrasaun iha loron ida ne’e, atu hamenus violensia domestika no violensia bazeia ba jeneru iha Covalima CCC tau ida ne’e hanesan programa importante, prioridade annual, liu husi atividades oi-oin inklui ohin selebra asaun loron 16 ativizmu ninian” informa Diretór Centro Comunidade Covalima, Alberto de Jesus Barros.
Feto Potensial husi Suku Taroman Postu Administrativu Fatululik Mindarita Alfrida de Jesus hateten sei habelar informasaun ne’e iha nia suku para komunidade sira bele hatene konaba violensia hasoru feto no labarik feto no oinsa atu halo redusaun ba violensia bazeia ba jeneru ne’e.
“Hanesan mos feto potensial ida oinsa maka atu habelar informasaun liliu ligadu ho asuntu violensia kontra feto no labarik feto liliu ba ema difisiensia, habelar informasaun konaba ida ne’e ba iha ita nia suku ne’e rasik, liliu ba ita nia inan feton sira no mos feto maluk sira atu nune’e sira hatene klean liu tan konaba violensia kontra feto no mos labarik feto liliu ba ema ho difisiensia, atu nune’e redus ka hapara violensia ida ne’e iha ita nia suku” dehan Feto Potensial husi Suku Taroman Postu Administrativu Fatululik Mindarita Alfrida de Jesus.
Entretantu Aktividade ne’e hala’o iha Centro Communidade Covalima, Partisipa husi representante Administrador Munisipiu Covalima, Administrador Postu Maukatar no Tilomar, Dewan Solidaritas Mahasiswa Pemuda Pelajar Timor Timur, Xefe suku sira iha Covalima, no Estudante husi ESGP de suai, ESTV Kristal Suai
Jornalista :Moichung/Julio Salinas
Editor : Chamot Nahac
