Kordenador Programa Dezenvolvimentu Feto Rural CCC, Hilaria Amaral do Carmo, hateten objetivu ba atividade fo
Nune’e CCC kontinua fasilita formasaun atu hakbiit mentalidade no kapasidade konaba lideransa nia ba feto potensial ne’ebé sei kandidata an hodi kompete iha eleisaun ba lider komunitariu sira iha fulan Outubru tinan ne’e.
“objetivu ba atividade ohin loron nia maka atu haforsa lideransa feto sira ne’ebé atu prepara an ba eleisaun Suku nune’e sira brani atu bele compete ho mane sira no oinsa sira bele sai hanesan feto ida ne’ebé sai ezemplu ba komunidade iha Munisipiu Covalima” informa Kordenador Programa Dezenvolvimentu Feto Rural CCC, Hilaria Amaral do Carmo, ba RCCT hafoin remata fasilita formasaun ba feto potensia sira ne’ebé hala’o iha CCC Kuarta Feira ne’e.
Hilaria enkoraza, feto sira iha covalima tenke brani foti desizaun hodi kompete ho mane sira iha kolker aspetu hodi sai liderasa ida nebe diak iha sosiedade.
“Ami nia esperansa ba maluk feto sira iha Covalima maka hakarak ka lakohi feto tenke pronto atu compete ho mane sira iha eleisaun Suku tuir mai ne’e” nia dehan.
Remigia Alves Barbosa Tilman, pronto ona atu kompete ho mane sira iha eleisaun Suku, nia nia deklara meresa ona atu sai lideransa ida nebe diak hodi lidera komunidade sira.
“Hau sente kontente tebes ho formasaun ida ne’e tanba bele hakbiit ona ami nia fiar an atu nune’e ami bele kompete ho mane sir aiha eleisaun Suku ne’ebé sei akontese iha tinan ida ne’e” nia hateten.
Entertantu partisipante sira ne’ebé partisipa iha formasaun ida ne’e maioria feto potensial sira ne’ebé ejiste iha Covalima, husi postu administrative 7, Suku 30 no sira preparadu ona atu kandidata ba sai xefe Suku, no formasaun ne’e rasik hala’o iha salaun enkontru Centru Comunidade Covalima.
Jornalista : JS
Editor : CN
