Covalima (RCCT) 30-11-23–CBRNTL komemora kampaña loron 16 ativizmu kontra violensia hasoru feto iha suku matai postu administrativu maukatar munisipiu covalima ho tema hamotuk investe iha feto hodi prevene violensia hasoru feto no labarik feto, liu liu feto no labarik feto ho difisiensia.
Ba jornalista sira Diretóra ezekutiva CBRNTL Norberta Soares dehan, komemora kampaña loron 16 ativizmu kontra violensia hasoru feto iha suku matai tanba durante ne’e hala’o programa konaba prevensaun violensia hasoru feto no labarik feto ho difisiensia liu husi empodera ekonomia iha matai. Ho nune’e liu husi kampaña loron 16 kontra violensia hasoru feto ne’e atu bele fanun sosiedade sira, hahu halo asaun pozitivu ba ema difisiensia no mos komunidade LGBTI.
“Husi Empoderamentu grupu ida ne’e maka iha ambito kampaña loron 16 ativismu kontra violensia hasoru feto no labarik feto ami realiza iha suku ida ne’e, liu liu atu bele fanun komunidade munisipiu Covalima atu hahu halo asaun pozitivu liga ho la estigma, la disktimina, la viola feto, labarik, ema ho difisiensia, komunidade LGBTI iha sosiedade ida ne’e, hare sira hanesan ema, hare sira hanesan mos iha kapasidade la’os hare konaba sira ninia an liu liu sira nia problema viziku mental ne’ebé mak iha” Esplika Diretóra ezekutiva CBRNTL Norberta Soares
Prezidente Asosiasaun halibur feto Covalima, Maria Fatima dehan sei servisu hamotuk ho sosiedade hotu hodi halo prevensaun ba violensia hasoru feto no labarik feto liu liu ba ema ho difisiensiensia.
“Prevensaun ba violensia hasoru feto no labarik, parte hotu hotu atu bele halo sosializasaun, dialogo ho parte hotu hotu atu oinsa mak bele redus ka prevene hahalok diskriminasaun hasoru labarik feto no feto sira, liu liu ema ho difisiensia” Katak Maria Fatima
Administrador Postu Administrativu Maukatar Constantino do Carmo Cardoso kongratula CBRNTL ne’ebé organiza hodi komemora loron 16 ativismu kontra violensia hasoru feto iha suku matai.
Administrador Postu Maukatar mos dehan tenki hahu ona investe ba labarik feto sira iha area edukasaun hodi bele mellora kapisidade bele sai lideransa iha futuru.
“Agradese wa’in ba Organiasaun ne’ebé ohin organiza masimu atu selebra loron ida ohin, hau hakarak hatur mensazen katak, hahu agora feto sira tenki luta maka’as, kontra violensia sira ne’e, tan ita hotu tenki hakribi violensia, husu ema Covalima hotu tenki luta maka’as atu feto Covalima Tenki lidera nasaun ida ne’e ba futuru, entaun hahu ona ita tenki investe ba labarik sira ne’e iha área edukasaun nune’e labarik sira iha kapasidade mellor ba futuru asaun ida ne’e nian” Katak Administrador Postu Administrativu Maukatar,
Entretantu kampaña loron 16 ativismu kontra violensia hasoru feto ne’ebé realiza iha suku matai postu administrativu maukatar ne’e, Partisipa husi Prezidemte Asosiasaun Halibur Feto Covaliama ho nia membru sira,Adinistrador Postu Maukatar reprezentante Komandante PNTL Covalima, Diretóra Ezekutivu CBRNTL, Xefe Suku Matai no Konsellu suku sira, AESPNTL Covalima no komunidade sira iha suku matai.
Reportazen Ekipa RCCT
Editor : Chamot Nahac
