Covalima (RCCT) 28-04-25-Care Hamutuk ho Ministeriu Saude  Selebra Loron Mundial Saude ne’ebé iha Suku Nanu Postu Administrativu Fatumea Munisipiu Covalima, ho “Tema Mundial” (Inisiu ne’ebé Saudavel Futuru Nakonu Esperansa) no “Sub Tema “ (Kulidade Ita Nia Saude mak sai ita nia Esperansa ba ita nia Moris)

Diretór Nasional Edukasaun Promosaun Saude husi Ministeriu Saude, Jaime dos Reis Belo, esplika konaba presija fo han Aihan Nutritivu Ba Labarik sira, kuidadu no hadok labarik sira husi moras liu husi hakbesik an ba fasilidade Saude ne’ebé besik iha komunidade nia let.

“Ita tenkser soe foer sira  ba iha fatin sira ne’ebé mak Governu prepara no fatin sira ne’ebé mak ita prepara ona no presiza hamos ita nia uma ninin no mos uma laran sira presiza hahan sira nutritivu ba iha labarik sira no presiza haris loron ida  dala tolu, depois ba inan isin rua sira tenki ser ba konsulta  fulan fulan, labarik sira moris tenkiser lori ba iha saude sira para bele hetan tratamentu ka hetan imunizasaun no ba sira ne’ebé mak moras presiza besik ba pesoal saude sira ne’ebé mak besik atu bele konsulta  tanba ida ne’e maka saude ninia hanoin para bele fasilita ba iha komunidade sira ” Diretór Nasional Edukasaun Promosaun Saude husi Ministeriu Saude, Jaime dos Reis Belo, esplika.

Sekretariu  Munisipal Asuntu Organizasaun Komunitaria, Munisipiu Covalima Filomeno Cardoso, Husu Ba Inan Aman no Komunidade hotu atu hamos ambiente, liu liu iha area dores uma ida idak no halo tuir matadalan saude hodi ba konslta iha fasilidade saude. Autoridade ne’e mos husu ba komunidade sira atu hamenus konsumu aihan importadu sira.

“Ohin loron atu ita ko’alia ba malu no motiva malu, komesa hadi’a an ho buat hirak ne’ebé mak ita nia saude sira fo hatene mai ita, hadok an husi moras bar-barak ne’ebé maka ita la hakarak, buat ne’ebé mak ita ko’alia no halo ita koko neneik ba bebeik ita sei bele tanba ita seidauk tarde,” Filomeno Cardoso, dehan.

Selebrasaun Loron Mundial Saude  ho Tema Inisiu Ne’ebé Saudavel Futuru Nakonu Esperansa No “Sub Tema” Kuidadu Ita Nia Saude Mak Sai Ita Nia Esperansa Ba Ita Nia Moris ne’e Patisipa husi Komandante Autoridade Protesaun Sivil, Care Internasioanal no Instituisaun Relevante sira Iha Covalima, inklui Komunidade sira mak iha Partensia Iha Suku Nanu Postu Administrativu Fatumea

Jornalista : Alfredo Barreto

Editor       :  Chamot Nahac