Covalimma (RCCT)17-07-23–Foin lalais Bee Timor-Leste Empreza Publiku Munisipiu Covalima hetan apoiu makina kontador hamutuk unit 125 husi nasional, ba planu atu hodi instala ba komunidade nia uma.

Kordenador Bee Timor-Leste Empreza Publiku, Munisipiu Covalima Castro Dody Ramos ba jornalista sira hafoin partisipa iha atividade marsa saudavel hosi komemora loron funsaun publiku ba dala sia iha Covalima hatete BTL, Ep Covalima oras ne’e daudaun atu instala kontador ba komunidade nia uma, liliu area urbana, tan ne’e maka foin lalais hetan apoiu makina kontador husi BTL, Ep nasional.

Nia dehan oras ne’e daudaun BTL, Ep Covalima iha ona makina kontador 260 hodi instala ba uma kain 260 iha area urbana no planu ba oin sei kobre tan area urbana hotu tan ne’e prepara hela makina kontador hamutuk 1.500.

Entertantu oras ne’e daudaun BTL,Ep Covalima instala ona iha zona 3 aldeia Asurai nian no tuir fali sei monta iha zona 2 husi parte Sukaer Laran area merkado nian planu tui mai sei monta tan kontador.