Komunidade na’in 27 ne’e fahe ba grupu lima, servisu hahu fulan Augustu to’o Dezembru tinan 2022, ne’ebé tuir kontratu ho kompaña selu osan dollar amerikanu hitu kada loron ba ema na’in ida, tanba ne’e,
Reprezenta komunidade traballdor, Valentina da Costa konsidera kompaña Futuru Mene Mesak Unip,Lda bosok traballador sira tanba la kumpri akordu ne’ebé selebra ona iha loron 19 febreiru 2024 katak atu selu traballador sira iha fulan febreiru nia laran.
“ami traballador husi grupu lima hamotuk ema na’in 27, seidauk hetan pagamentu husi kompaña Futuru Mene Mesak Unipesola,Lda, no bazeia iha kontratu loron ida kada ema hetan $7.00. ami hato’o bebeik ona ba iha SEFOPE Covalima ba dala tolu ona, maibe seidauk iha rezultadu ba ami to’o agora. Iha dia 19 de febreiru 2024 ami halo akordo ho kompaña Futuru Mene Mesak Unipesola,Lda, katak kompaña rasik atu halo pagamentu la liu fulan febreiru ne’e, to’o agora kompaña bosok ami no laiha rezultadu mai ami, ami traballador nafatin ijiji ba kompaña Futuru Mene Mesak Unipesola,Lda atu halo pagamentu iha loron hirak nia laran no laiha rezuldatu ma kami sei halo keisa ba ministeriu publiku.” Dehan posrta Voz Valentina da Costa.
Xefe Aldeia Lo’okeu Cesar Mendonça, rekuiñese antes ne’e kompaña Futuru Mene Mesak Unipesola,Lda la falla halo pagamentu ba traballador sira mak servisu hala’o manutensaun Estrada iha Aldeia Lo’okeu maibe iha fulan Augostu to’o Dezembru 2022 mak foin halo pendente pagamentu ba trabllador sira. Nune’e reforsa komunidade sira hodi hato’o keisa ba ministeriu publiku wainhira kompaña la selu komunidade traballdor sira iha tempu besik.
“nudar xefe aldeia, hakarak reforsa ba sira nia problema ida ne’e, Primeiru husi kompaña Futuru Mene Mesak Unipesola,Lda uluk ne’e sempre nia selu maibe iha Augusto to’o Dezembru 2022 mak seidauk halo pagamentu ba traballador sira, ha’u mos hakarak fo hanoin ba kompaña atu tempu besik kompaña sempre atende ona sira, se la atende maka ha’u sei akompaña ha’u nia traballador sira keisa iha ministeriu publiku” Dehan Xefe Aldeia Lo’okeu Cesar Mendonça.
Hatan ba lametasaun ne’e, Diretóra Kompaña Futuru Mene Mesak Unipesola,Lda, Yuliana Yustina Inosensia Hoar,informa katak, molok ne’e asina ona karta akordu hodi halo deklasaun ho traballador sira, atu selu wainhira hetan ona transferensia osan husi governu. Tan ne’e nia esforsu atu selu kompletu traballador sira nia osan iha tempu besik.
“Buat ne’e sei prosesu hela, ha’u halo surat deklarasuan ida iha ne’eba sira akordo ona, mak ami halo katak ha’u la’os la selu, lae, sekarik osan ne’e estadu transfer ona ba ha’u nia rekening entaun ha’u telephone imi para imi mai foti osan, tan selu mos tenki ba iha SEFOPE ne’eba, ha’u halo deklrasaun ne’e katak ha’u nunka atu halai husi problema ida ne’ebe maka iha, estadu seidauk ha’u, jadi ha’u berusaha halo nusa mak imi nia osan ne’e bele imi simu, kecuali ida ne’ebe mak imi falta ne’e mak la selu imi, maibe ida ne’ebe mak imi servisu loron ida oras ualu ne’e, kuarter mos ha’u la ko’a, jadi agora dadaun ha’u sei prosesa osan ne’e para selu sira, ha’u dehan hein bertahan uitoan karik prosesu iha semana ida ka rua, pokoknya osan tama ona ne’e iha sabado ka domingo mos telfone ba sira para foto kopia eleitoral tahan ida, depoisa sasan sira, grobak botas, buat sira mak sira simu uja ba servisu ne’e lori fali mai para foti sira nia osan,” dehan Diretóra kompaña Futuru Mene Mesak Unipesola,Lda, Yuliana Yustina Inosensia Hoar ba RCCT Via Telefone.
Traballador sira ba hato’o ona problema ne’e dala tolu iha SEFOPE Covalima maibe to’o agora seidauk iha Rezultadu. Nune’e sira kurioju hakarak hato;o keisa ba ministeriu publiku wainhira kompaña Futuru Mene Mesak Unipesola,Lda la selu sira nia osan iha tempu besik.
Jornalista : Moichung
Editor : Chamot Nahac
