COVALIMA—-Diretór Programa Nasionál Dezenvolvimentu Suku (PNDS), Munisípiu Covalima, Filipe Cardoso, dehan implementasaun Uma Naroman ba Povu (UNP) plus B, ne’ebe implementa iha Postu Administrativu suai, kompostu husi suku hanesan Suku Kamanasa, Debos, Labarai, Beko no Suai-Loro, oras ne’e daudaun benefisariu barak hahu sobu no taka ona kalen ne’ebe foin lalais governu distribui ba benefisariu sira.
“Relasiona ho implementasaun UNP plus B ne’ebe implementa iha Postu Administrativu suai, kompostu husi lima, defKtu husi inisiu ita halo prosesu tomak ita identifika no benefisariu sira elizivel hamutuk-185 benefisariu, husi numeru benefisariu hamutuk-185 ne’e ita lansa ona iha 2 de Fevereiru ne’ebe distribui kalen direita hus Ministru Administrasaun Estatal ho Vise MAE hafoin lansa zinco iha nivel munisipiu tekniku postu hamutuk ho ekipa jestaun suku hahu kedas halo distribuisaun zinco durante loron rua, ho distribuisaun zinco ba iha UNP plus B ba benefisiáriu sira defaktu benefisariu sira simu hotu ona kalan to’o ohin tama ona ba semana daruak, ami nia ekipa tekniku munisipiu no postu halo ona akompanamentu benefisariu barak maka hahu ona sobu no taka ona kalen” informa Diretór Programa Nasionál Dezenvolvimentu Suku (PNDS), Munisípiu Covalima, Filipe Cardoso, ba jornalista sira iha nia kna’ar fatin PNDS Covalima, Sesta (24/02).
Nia dehan ba sira ne’ebe sei dauk husu ona justifikasaun maibe sira rasik sei aranja ai hodi troka ai latan sen sira ne’ebe lahuk ona, ida ne’e PNDS toma nota, no fo mos dead line ba sira atu bele aselera lalais hodi troka kalen fruzen sira.
Nia afirma fo dead line ba sira atu bele troka hotu kalen sira ne’e iha fulan Fevereiru nia laran para sira aselera troka kalen fruzen no kalen sira simu ne’e labele rai kleur iha sira nia uma.(Azu).
