Covalima (RCCT)16-10-23—Apoiu Tekniku STAE Nasional, Belarmino Filomino Neves, enkoraza feto sira relasiona ho eleisaun suku ba periode 2023-2030, tenki brani kompete ho mane sira ho sai lideransa iha Aldeia no Suku.
Apoiu Tekniku STAE Nasional, Belarmino Filomino Neves, wainhira fo formasaun ba tekniku STAE Apoiu Aleida iha eleisaun suku nebe realiza iha salaun STAE Covalima.
“Ha’u hanoin iha Media hotu ita haklaken no sempre enkoraza inan feton sira tantu joven ka ferik sira bele lidera ona sira nia ema rasik iha aldeia, suku, postu, munisipiu no bele ba to’o nasional, espesialmente kait ho eleisaun Suku ida ne’e iha formasaun ami sempre hato’o katak ami enkoraza ami nia inan feton sira tenke brani marka iha oin labele iha kotuk tanba” Apoiu Tekniku STAE Nasional, Belarmino Filomino Neves.
Nia afirma agora fo oportunidade feto sira para iha kolker tempu bele bele kandidata an sai xefe suku.
“Ita fo oportnidade, ami sempre haklaken iha kolker meiu, para ke ita tenki eskoraza feto atu kandidata an, ha’u sempre fo hatene ba sira atu hakbesik ba mane sira hodi enkoja atu fo apoiu sai lider iha aldeia, suku, no iha ne’’be deit”. Dehan Belarmino
Entretantu Apoiu Tekniku STAE Nasional, Belarmino Filomino Neves dehan lia ne’e iha salaun STAE Covalima, wainhira mai fo formasaun ba Pesoal Sekretariadu Tekniku Administrasaun Eleitoral Apoiu Aldeia hamutuk na’in-34 iha Covalima ne’ebe atu fo apoiu ba implementasaun eleisaun orgaun suku iha nivel aldeia.
Jornalsta : Azu Salinas/ Baltazar Monis
Editor : Chamot Nahac
