Covalima (RCCT) 14-06-23-Komunidade iha suku beiseuk aldeia nikir durante nee seidauk asesu ba mos ho digno. Tan ne’e, sira tenki hasa’e osan porvolta $2 hodi seluk ojek tula be mos ba uma hodi nesesita moris loro loron nian.

Komunidade Aldeia Nikir, Suku Beiseuk Casimira Nunes ho idade idosos tenki faan nia animal hodihetan osan, nune’e bele uja hodi selu ojek be mos, tanba nia laiha ona forsa atu lalin be husi be matan nebe dok husi nia uma kuaze 10km.

“ha’u fa’a fali animal hakia , hanesan Manu depois oasn lori selu fali ema kuru bee fa ha’u, tanba ema la kuru deit ba ita, tenki selu mak bele, masa jergen 10 selu dolar rua, bee ne’e lori mai uja ba tein, fase bikan, haris no hodi fase ropa” dehan Komunidade Suku Beiseuk, Casimira Nunes.

Sorin seluk komunidade Alarico da Silva, hatete durante be mos sai nudar ba abitante sira iha aldeia Nikir, nune’e dala barak komunidade hasai osan hodi selu fali ojek tula be mos husi be matan mai sia nia uma.

“Ina sira mak kbit lato’o ne’e sira selu ojek, masa ida sira selu setavus sanulu, sosa be hodi aufuenta sira nia moris, ho nune’e husu governu lori be mos mai hakbesik ba sira” Alarico da Silva esplika

Alarico afirma iha Aldeia Nikir iha bee matan antigu ida deit nebe fahe ba aldeia 3. Aldeia nikir rasik fatuk metan no aldeia walan, tanba ne’e be mos la sufisiente ba sira.

“be mos ba ami ne’e iha maibe ne’e la sifisiente ba ami, tanba be ma,tan ida deit ma,k,, fahe ba aldeia 3, (Aldeia Nikir, fatuk metan no wala,) sujere ba governu tau atensaun ba ami atu bele hetan be mos nebe mak dignu,” Tanik nia

Nune’e komunidade sira iha aldeia nikir husi ba governu atu bele tulun hodi resolve problema konaba be mos nebe durante sira infenta.

Jornalista : JS

Editor : CN