.png)
Covalima (RCCT)-16-07-24-Hahu husi Janeiru to’o Juñu 2024 Ospital Referal Suai (ORS) liu husi diresaun maternidade fo partu ba inan isin rua hamutuk ema na’in-496.
Diretór Ezejutivu Ospital Referal Suai (ORS), Domingos de Fatima Oliveira Lemos, relata husi bebe na’in-496 ne’ebé moris hafoin inan isin rua sira mai partu iha maternidade ORS, iha bebe na’in-18 mak mate.
“Ospital Referal Suai ligadu ho Diresaun Maternidade iha fulan Janeiru to’o Junu 2024, katak iha fulan Janeiru inan ne’ebé mai partu iha ospital hamutuk ema na’in-80, Febreiru ema na’in-62, Marsu ema na’in-97, Abril ema na’in-89, Maiu ema na’in-79 no fulan juñu ema na’in-89, maibe husi inan na’in-496 ne’ebé mai partu iha Hospital Referal Covalima” dehan Diretór Ezejutivu Hospital Referal Suai, Domingos de Fatima Oliveira Lemos, ba jornalista iha nia kna’ar fatin Ospital Referal Suai.
Diretór Ezejutivu Ospital Referal Suai, haktuir konaba bebe na’in-18 ne’e mate iha inan nia kanotak molok familia evakuan husi uma to’o ospital suai, nune’e wainhira parteira sira halo ezaminasaun foin deteta bebe nia is laiha ona.
“Husi mate hirak ne’e tuir kondisaun atual ne’ebé husi diresaun aprezenta katak la’os mate tanba problema iha ospital la atende maibe mai ho bebe mate antes tama ospital katak hafoin parteira sira halo ezaminasaun bebe iha inan nia kanotak is laiha ona” Diretór Ezejutivu Hospital Referal Suai, Domingos de Fatima Oliveira Lemos, dehan.
Entretantu, Parteira sira iha sala maternidade Ospital Referal suai ezamina no deteta bebe mate iha inan nia kanotak iha fulan Janeiru hamotuk bebe na’in-2, Febreiru na’in-1, Marsu na’’in-4, Abril iha na’in-5, Maiu na’in-5 no iha fulan juñu na’in-1.
Jornalista : Julio Salinas
