Hakarak sai lider iha imi nia área no mai hamutuk ho rede inspiradora hodi sai ajente ba mudansa?

Aplika ba bolsu estudu Australia Awards nian agora. Alem de hetan diploma ida, ita-boot sei hetan mós edukasaun ho kualidade di’ak tebtebes, no esperiénsia iha Australia ne’e bele transforma ita-boot nia vida. Ami suporta ita-boot atu hela no estuda ho susesu iha ne’ebá.  

Prosesu aplikasaun loke ona no kompetitivu tebes, no fó oportunidade hanesan ba ema hotu ne’ebé elíjivel. Iha tinan 2026, bolsu estudu sei disponivel husi nível lisensiatura, mestradu no doutoramentu.

Ema ho defisiénsia sira bele mós aplika ba nivel bacharelado. Ami enkoraja tebes ema husi área rurais, feto sira, no ema ho defisiénsia atu aplika.

Halo mudansa ba ita-boot nia karreira no fó kontribuisaun importante ba prosesu dezenvolvimentu iha Timor-Leste.  

Ekipa   program bolsa estudo Australia sei visita municipiu  Covalima  hahu husi Loron 18 too 19 fulan Febreiru.

Sesaun informasaun konaba oinsa atu aplika  bolsa estudu Australia sei halo  iha:

Data   : 18-19 Febreriru

Loron  : Terça to’o Quarta feira.

Fatin   :Salaun Parokial Igreja Ave Maria Suai

Oras   : tuku 10:00 dader to’o 12:00 meiudia

Enkoraja, sidadaun Munisipiu Covalima ne’ebé iha potensia  atu aplika  ba bolsa, bele mai tuir sesaun tuir orario ne’ebé determina ona

Mai halo diferénsia, vizita Australia Awards Timor-Leste nia website www.australiaawardstl.org ou manda email mai ami iha scholarships@australiaawardstl.org.

Ita-boot bele mós kontaktu ami  liuhusi númeru telefone tuir mai ne’e: 3322603 ka telemovel +67077064302 ou +67077064305.