COVALIMA—-Administrador Munisipiu Covalima Francisco de Andrade, hatete autoridade laiha kompetensia kona-ba tarefe bus halai diresaun Suai-Dili no Dili-Suai ne’ebe durante pasajeirus sira selu kada ema osan ho montante $ 15.00, maibe autoridade sei halo rekomendasaun hodi hasae ba ministeriu relevante atu bele haree ba asuntu hirak ne’e.
“Ita sei halo rekomendasaun ba iha Ministériu kompetente, atu nune’e nia bele tetu no bele deside tuir nia kompetensia rasik, tanba ne’e ba alin forsa Humanista katak kona-ba tarefa bis ninian laos kompetensia ba autoridade lokal, ka ba iha komandante PNTL ou ba iha prezidente veteranus ninian, maibe Ministériu sira ne’e ida-idak iha nia kompetensia rasik” I forma Administrador Munisipiu Covalima hato’o asuntu ne’e hafoin halo sorumutu ho forsa Humanista sira iha Salaun Administrasaun Munisipiu Covalima Segunda (13/02).
Administrador afirma la sala mos bazeia ba forsa Humanista nia proposta tama iha administrasaun godi deside tur hamutuk ohin realiza duni, nudar Covalima oan tau interese ba oin ne’e hotu-hotu hamutuk hodi halo rekomendasaun hodi hasae ba iha Ministériu kompetente.
“Bazeia ba ita boot sira nia proposta mai iha, ita tuur hamutuk nudar Covalima oan interese ba oin ne’e ita halo rekomendasaun hotu-hotu aseita prezidente Veteranus mos asina, komandante PNTL Munisípiu Covalima mos asina no atan hau rasik Administrador Munisipiu Covalima hau rasik asina, atu nune’e bele fo iha gabinete ministru nian atu nune’e oinsa ba.oin ne’e atu bele tetu ita sira nia hanoin ne’e liliu ba kbiit laek sira” nia dehan.
Nia dehan autoridade hotu-hotu sai hanesan servidor ba nasaun ida ne’e no ba povu ida ne’e, tanba ne’e makliu husi diskusaun ida ne’e diretor DNTT atu halo rekomendasaun hotu-hotu asina hodi hasae ba ministru iha tempu badak ne’e bele tetu.(Azu)
