Covalima (RCCT) 04-06-25- Autoridade Munisipiu Covalima Lidera husi Prezidente Autoridade, Miguel Armada Cardoso (Razão) hamotuk ho Sekretariu Munisipal na’in tolu no funsionariu sira halo limpeza jeral iha tasi ibun suai loro hodi hatudu partisipasaun Munisipiu Covalima iha Semana Mundial Oceano ne’ebé hahu iha Loron 1 to’o Loron 8 Fulan Juñu tinan 2025.
Prezidente Autoridade Munisipiu Covalima, Miguel Armada Cardoso hatete, ema hotu iha responsavelidade atu istima no kuidadu furak tasi nian liu husi garantia ambiente mos iha tasi ibun sira.
“Ohin ita halo aktividade hamos foer sira iha tasi ibun no foer sira ne’ebé mak ita iha hodi hatudu ba ita nia komunidade hatudu mos ba ita nia rai katak ita unidade halo aktividade limpeza, ita kuidadu no hamos atu buat sira ne’e sai furak liu tan. Ita persiza istima ita nia rai.” PAM Covalima dehan.
Entretantu Atividade limpeza semana mundial ho nia tema Ha’u Nia Tasi Ha’u Nia Timor, ne’ebé hala’o iha tasi ibun Suai Loro, ne’ebé partisipa husi Diretór Servisu Munisipal no Diretór Servisu Teritoria sira iha Munisipiu Covalima, Korpu Guarda Prizão Covalima, PNTL Munisipiu Covalima, Administrador Postu Administrativu Suai, inklui funsionario Publiku no Kazual sira no Estudante sira husi Eskola Baziku Sentra Suai Loro.
Jornalista : Alfredo Barreto
Editor : Chamot Nahac
