Sekretariu Munisipal asuntu Sosial no Organizsaun Komunitaria, Munisipiu Covalima, Filomeno Cardoso informa, lei pode lokal ne’e refere liu atu sai giaun ba xefe suku sira hodi hala’o servisu durante sira nia mandatu.
“Formasaun ba Xefe Suku Na’in 30 konaba lei poder lokal numeru 23/2021 10 Novembru, lei poder lokal ne’e refere liu ba sira, atu bele gia sira durante sira nia mandate tomak, iha neba sei hala’I liu ba poder suku nian, desentralizasaun, nomos karma munisipa” esplika Sekretariu Munisipal asuntu Sosial no Organizsaun Komunitaria, Filomeno Cardoso.
Xefe Suku Nanu, Abel Mendonça, konsidera importante, atu hatene konaba lala’ok husi lei poder lokal, basa sei fasilita nia hodi hala’o servisu iha suku.
“Formasaun ida ohin, ami xefe suku na’in 30 partisipa iha formasaun ida ne’e, liga liu ba lei poder lokal no lei suku. Poder lokal ne’e sei lori dezenvolvimentu, boa governasaun ba komunidade liu liu iha suku. Nudar Xefe Suku, saida mak ami atu halo, persija mos hatene konaba lala’ok lei sira nebe mak estabelese ona liu liu lei suku nian numeru 9/2016” Nia dehan.
Formasaun ba Xefe Suku na’in 30 konaba lei poder lokal, numeru 23/2021, 10 Novembru ne’e hala’o durante loron 2 ne’ebé fasilita husi Assesor Partisipasaun Ergilio Ferreira iha Salaun Administrasaun Postu Administrativu Suai, hahu iha Tersa, loron 28 no remata iha Kuarta, loron 29 fulan ne’e.
Reportazen RCCT
Editor : Chamot Nahac
