Covalima (RCCT) 25-02-25-Tersa feira ne’e Autoridade Munisipiu Covalima liu husi Servisu Munipal Patrimoniu Lojistiku asegura hela iha Administrasaun Munisipiu Covalima distribu tanki bee moos hamutuk unidade 9 ba suku sira ne’ebé durante intifikadu susar atu asesu ba be mos.
Diretór Servisu Munisipal Patrimoniu Lojistiku Munisipiu Covalima, Aquinelio Barros do Rego, informa tanki unidade 9 ne’e apoiu husi parseiru dezenvolvimentu Ajensia Internasional Partisipa. Tanki 9 ne’e destribui ona 1 ba
“Tanke ne’e autoridade Munisipiu Covalima hetan apoiu husi ita nia parseiru dezenvolvimentuPpartisipa ne’ebé oferese iha tinan kotuk ho nia kuatidade hamutuk-9. Diresaun Patrimoniu Lojistiku Munisipiu Covalima halo asegura no fo informasaun ba ita nia autoridade lokal sira hanesan administrador postu no ita nia xefe suku sira para bele hato’o pedidu mai iha PAM atu nune’e ita bele distribui tanki (profile) ne’e ba ita nia komunidade sira ne’ebé presija utiliza tanki ne’e ba konsumu bee moos ba moris loro-loron nian, tanki ne’ebé ohin ita halo termu entrega ba sira maka husi parte saude nian liliu ba iha Hospital Referal Suai hodi utiliza ba produs bee manas no bee hemu ba pasiente sira, husi Suku Lepo, Zulo, Debos no mos Maudemo, Tilomar” Diretór Servisu Munisipal Patrimoniu Lojistiku Munisipiu Covalima, Aquinelio B. do Rego.
Fatin hanesan Xefe Aldeia Busakukun, Januario Amaral do Carmo, kongratula autoridade Covalima, maski tanki ne’ebé nia simu seidauk sufsiente atu utiliza hodi oferese bee mos ba komunidade sira Busakukun.
“Ha’u hanesan autoridade lokal Xefe Aldeia Busa Kukun agradese tebes ba apoiu husi autoridade munisipiu ne’ebé oferese ona tanke mai area tarjetu sira hanesan Suku Debos nian Aldeia Busakukun ho Aldeia Loke’u maka hetan, ba tanke ne’ebé ohin oferese mai ami ne’e ha’u hanesan autoridade lokal hare tanki ne’e la sufisiente, ne’e hanesan tanki ida de’it, maibe hare ba ami nia komunidade barak, tanba bee ami sujere nafatin atu nune’e ba oin servisu hamutuk di’ak liu atu hodi hetan tan apoiu tanke husi parseiru dezenvolvimentu sira ne’ebé hakarak apoiu tanke ne’e ba iha futuru” nia dehan.
Diretór Servisu Munipal Patrimoniu Lojistiku Munisipiu Covalima, Aquinelio B do Rego, hatete halo distribuisaun tanke ne’e bazeia ba nesesidade ne’ebé autoridade lokal sira submete pedidu tanba ne’e mak Autoridade Munisipiu Covalima distribui ona Tanki bee mos 2 ba Suku Debos, partikulamente ba tanki ida fo ba Aldeia Busakukun no 1 ba Aldeia Lo’okeu, Suku Lepo hetan tanki 1, Suku Zulo tanki ida, Pre eskolar Beiseuk Tilomar tanki 1, Aldeia Mukbelis suku labarai hetan tanki bee mos 1, Ospital referal Suai, inklui Amo Misionarius sira iha postu administrativu Fatumea hetan tanki 1, engkuantu tanki unidade 1 sei rezarva hodi hein pedidu hus Postu Administrativu Maukatar.
Jornalista : Julio Salinas
Editor : Chamot Nahac
