Covalima (RCCT) 28-08-24-Autoridade Munisipiu Covalima hamutuk ho Autoridade Postu Administrativu realiza kompetisaun kanta Hino Nasional “Patria” ba Estudante Ensinu Sekundaria sira bua hodi komemora loron konsulta popular bad ala XXV.
Diretóra Servisu Munisipal Edukasaun Covalima, Elda de Fatima hateten iha kompetisaun ne’e atu hasa’e estudante sira nia mentalidade ida ne’ebé mak di’ak.
“Labele hare ba prezente ne’ebé mak imi hetan importante liu mak iha kompetisaun ne’e atu anima didi’ak liu husi kapasitasaun ne’ebé mak imi hetan husi profesores sira, ba emi nia mentalidade atu nune’e imi nia futuru ida ne’ebé sei di’ak liu tan, liu husi eventu sira ne’e labele hare ba premiu maibe hare ba saida deit mak imi halo, ne’e mak ita hotu nia susesu” hateten Diretóra Edukasaun Munisipiu Covalima, Elda de Fatima.
Estudante Eskola Kafe Suai, Jovanio de Araujo, dehan sei nafatin esforsu atu nune’e iha future, grupu ne’ebé reprezenta nia eskola Kafe Suai bele hetan kualifikadu ida di’ak liu.
“Mesmu ami la hetan primeiru lugar ou segundu lugar ami sei esforsu nafatin, ida ne’e mak kompetisaun, tanba iha kompetisaun ne’e sempre iha menan no lakon” Dehan Estudante Cafe Do Suai Jovaniode Araujo
Relasiona ho atividade ne’e, Prezidente Autoridade Munisipiu (PAM) Covalima Miguel Armada Cardoso “Razão” husu ba Profesor sira hotu atu hanorin estudante sira konaba istoria moruk timor leste nian ne’ebé mak akontese liu ona.
“25 loron konsulta popular tenki hatene ita nia istoria se ita nia istoria tanba ida ne’e ha’u hatete ba Profesor ho Profesora sira atu hanorin ita nia oan sira konaba ita nia historia sira ne’e, se lae sira rekuñese deit maibe historia sira ne laiha” PAM Covalima Miguel Armada Cardosu “Razão hateten
Iha kompetisaun ne’e, alende estudante sira kompete hahanu hino nasional “ Patria”, hananu mos musika Oras to’o ona, enkuantu komisaun organizadora seidauk anunsiu konaba ba eskola ne’ebé mak sai ba manan na’in iha kompetisaun kanta.
Entretantu Autoridade Covalima mos liu husi Komisaun Organizadora realiza mos Kompetisaun Sertame, no mos Animasaun liu husi Halai karon, dada tali, halai berlindu no mos sa’e bua hodi komemora loron konsulta popular bad ala XXV. Engkuantu estudante ne’ebé partisipa iha kompetisaun ne’e mai husi Eskola Sekundaria Geral Publika (ESGP) Suai, Eskola Sekundaria Katolika Ave Maria (ESCAM) Suai, Eskola Teknika Vokasional (CRISTAL) Suai, no Eskola Kafe Suai.
Jornalista : Moichung
Editor : Chamot Nahac
