Diretór Servisu Konservatoriu Rejisto no Notariadu Munisipiu Covalima, Antonio Sarmento, relata simu orientarasaun husi diresaun jeral servisu rejisto no notariadu maka iha loron 29 fulan, servisu konservatoriu rejisto no notariadu covalima hahu halo atentementu ba sidadaun sira ne’ebe trata pasaporte eletonika.
“Konaba pasaporte elektroniku iha diresaun munisipal Conservatoriu servisu rejistu no Notariadu Munisipiu Covalima ita komesa hahu ona iha loron 29 fulan Janeiru 2024 ne’ebé ami hetan orientasaun diresaun jeral servisu rejistu notariadu katak husi diresaun munisipal nian prosesu la’o normal fila fali ona ne’ebé orienta ami katak munisipiu bele atende deit sidadaun sira ne’ebé mai trata dokumentu pasaporte iha Covalima atende ema na’in-30 kada loron, tipu pasaporte hanesan pasaporte komum iha munisipiu, pasaporte servisu, pasaporte diplomata ne’e prosesu iha diresaun jeral nasional, maibe munisipiu halo deit ba pasaporte komum” informa Diretór Servisu Konservatoriu Rejisto no Notariadu Munisipiu Covalima, Antonio Sarmento, ba jornalista sira iha nia kna’ar bairo rompe tersa (30/01).
Nia afirma bazeia ba orientasaun kada loron atende deit ema na’in 30 maibe iha loron dahuluk tenki halo atendementu ba sidadaun na’in 39 tanba na’in 9 seluk submete ona dokumentu iha fulan novembru to’o dezembru tinan kotuk molok mosu fallansu iha sistema.
“Loos ne’e kada loron ami tenke atende sidadaun sira mai halo pasaporte iha ema na’in-30 maibe iha loron primeiru ami atende sira na’in-39 inklui sira na’in-9 ami tenke trata tanba sira ne’e mai trata pasaporte antes ona maibe ho failansu sistema iha momentu ne’eba iha fulan Novembru no Dezembru 2023, la konsege finaliza tanba ne’e iha loron primeiru ne’e ami tenke atende ema na’in-39, no iha loron 30 fulan Janeiru 2023 ami atende ema na’in-38 ami aumenta na’in-8 tanba iha dokumentus failansu balu ne’ebé numeru halai sala sira ne’ebé trata uluk nian ami tenke resolve fila fali ne’ebé ba loron daruak nian ne’e iha ema ema na’in-38 maka mai trata pasaporte” nia dehan.
Enkuantu tiur Diretór Servisu Konservatoriu Servisu rejisto no Notariadu Munisipiu Covalima, Antonio Sarmento, esklarese katak Covalima sei nafatin halo rejisto no atendementu Manual maske iha ona ajendamentu online tanba vale deit iha diresaun nasional. Engkuantu tipu pasaporte ne’ebe bele trata iha munisipiu covalima makapasaporte komum, konaba pasaporte servisu no pasaporte diplomata ne’e bele halo prosesu iha diresaun jeral nasional.
Jornalista : Julio Salinas
Editor : Chamot Nahac
