Prezidente Assosiasaun Halibur Feto Covalima, Maria Fatima, deklara la simu ho hahalok husi feto maluk balu lansa iha Sosial Media Facebook ne’ebé sai viral hodi hatun dignidade feto liliu ba feto sira ne’ebé ho idade minoridade, tan ne’e assosiasaun Halibur Feto Covalima sei hamrik hamutuk ho familia levanta kazu ne’e hodi kondena tuir lei ne’ebé Timor Leste iha.

“Hanesan Inan ida no Asosiasaun feto Covalima, Ami Lasimu erru ne’ebe ita nia maluk sira halo viral iha facebook ne’e ami la simu tanba ne’e hatun dignidade feto nian, liu liu ba ami nia oan sira ne’ebe sei ho idade minoridade, ho ida ne’e ami sei hamotuk ho familia “tuntut nama baik” ami nia oan feto ninian. Ami mos sei nafatin fo korazen ba ami nia oan feto atu nia bele forsa ho akontesementu ne’e” Deklara Prezidente Asosiasaun Halibur Feto Covalima, Maria Fatima ba RCCT Domingo (26/11) iha resinto Administrasaun Postu Administrativu Tilomar.

Maria haktuir Assosiasaun Halinur Feto Covalima la’os hamrik mesak maibe iha parseiru barak hamrik hodi apoiu ba asuntu feto liliu ba sira ne’ebé ho idade minoridade, tan ne’e assosiasaun husu ba Parte judisiariu sira iha Timor-Leste atu bele fo apoiu hodi halo prosesa kazu ne’e to’o nia rohan.

“Asosiasaun la hamrik mesak, ami sei hamrik ho ami nia parseiru sira ne’e hare konaba asuntu feto nian, hodi devende ba feto sira liu liu ba ami nia oan sira ne’ebe ho idade minoridade, ami sei husu tulun ba, JSP, Pradet, Uma mahon, Fokupers no sira seluk atu bele fo apoiu ba ita nia oan feto ne’e para prosesa kazu ne’e to’o nia rohan, husu ba PDHJ atu bele halo invetigasaun didiak ba Maun ka alin mane ne’ebe mak halo viral ami nia oan feto ne’e, investiga didiak polisia ne’e atu bele deklara ba publiku, tenki hadia hamorin fali ami nia oan feto nia naran” Tenik Maria Fatima.

Prezidente Assosiasaun Halibur Feto Covalima ne’e husu ba autoridade seguransa liliu ba Komandante UPF Bravo Covalima, Komandante PNTL Munisipiu Covalima no Komandante Jeral PNTL atu toma atensaun ba membru sira, tanba iha komunidade nia let oras ne’e membru balu hatudu atetudi ida ne’ebé ladi’ak hodi hasoru nia povu rasik.

“husu mos ba Komandante jeral PNTL, Komandate UPF iha Munisipiu Covalima, Komandante PNTL Covalima, atu bele Tenki toma atensaun ba nia membru hotu nia atetude ne’ebe ladi’ak ne’e atu loron seluk membru polisia seluk labele halo tan hahalok ida ne’ebe dadaun ne’e akontese. Husu ba Komandante Jeral atu toma atensaun ba membru Polisia sira liu liu iha area fronteira hanesan Fatumea fohorem tilomar no fatululik tan sira ne’ebe tugas iha fronteira ne’e area ida ne’ebe dok husi kapital no ladun hetan atensaun husi lideransa sira mak membru sira mos halo erru tuir sira nia hakarak,” Presidente Asosiasaun Halibur Feto Covalima Fundamenta.

Entertantu relasiona Publikasaun ne’ebé viral iha Sosial Media Facebook kona ema balu lansa rezutadu chat entre JN no AB Oknum Polisia UPF iha Postu Administrativu Tilomar, hodi hakanek hotu ema Covalima, liliu ba feto sira tan Assosiasaun Halibur Feto Covalima sei hamutuk ho familia hodi levanta kazu ne’e ba oin hodi heyan rezultadu no hadi’ak naran Jeny nian

Jornalista : Moicung

Editor : Chamot Nahac