Covalima (RCCT) 01-03-24-Estudante sira iha eskola sekundaria publiku jeral (ESGP-Sigla Portugues) Suai, klase paralela salele kontenti tanba manorin na’in sira antisiasmu fahe material durante oras aprendizajem.
Manorin na’in iha klase paralela salele hamotuk ema na’in hat nulu resin inklui ho asistente do professor hamotuk ema na’in 19 ne’ebe voluntariamente fo sira nia kontribuisaun hodi hanorin iha eskola sekundaria jeral publiku suai klase paralela salele.
“Ha’u nudar estudante iha klase paralela ne’e, senti kontenti tanba proferos sira hanorin ho di’ak, la abandona sira nia lisaun, maibe ami iha problema mak menus kadeira no meja” katak Estudante klase paralela Salele, 12O, Sabita Maia do Rego.
Profesor Asistente Teknika ba kurikulum ESGP Suai Klase Paralela Salele, Daniel Cardoso, hateten prosesu aprendizajem iha klase paralela salele dadaun normal tanba sufiente ho rekursu umanu basa hetan kontribuisaun husi profesor permanente sira mak durante hanorin iha eskola baziku hamotuk na’in 15 no mos no mos voluntariu tilomar oan hamotuk na’in 19 mak sai hanesan asistente do profesor.
“Aprendizazen da aula ne la’o normal depois oinsa mak atu bele hatene ba responsabel hosi professor professor da disiplina sira nemos babain normal tanba ita iha professor ne’ebé mak permanenti iha ne nudar tilomar oan ita foti dadus iha 12 pesoas depois professor ne’ebé maka parsiais sira destaka hosi EBC iha 15 pesoas professor sira ne hotu mai hosi funsionario publiku ne’ebé total hamutuk iha 27 pesoas professor permanente maibe tanba problema iha professor parsias ne iha oras balun ne’ebé mak barak lu iha sira nia eskola entaun ami mos presiza professor balu ne’ebé mak sai asistente atu nune karik sira la tama entaun ita presiza ba tama iha sira nia fatin entaun ami rezistu professor ne’ebé maka sai asistente ba sira ne iha 19 pesoas ne’ebé ho sistema sira ne hotu konpletu ona ho professor sira ne maski ho situasaun ida neb difisil maibe ami lao ho situasaun normal laiha sestudante ida ne’ebé mak abandona iha aula laiha estudante ida ne’ebé sai tama no laiha estudante ida ne’ebé mak baruliu tanba ita iha professor ida ne’ebé sufisiente para atu kontrola ba iha aula ne’ebé maka iha” Daniel esplika ba RCCT.
Daniel konfesa, dadaun iha klase paralela salele infenta menus kadeira no meja basa klase paralela salele iha sala de aula 14, maibe iha sala 3 mak sei mamuk ho kadeira no meja.
Ho ida ne’e, inan no aman estudante sira voluntariamenta fornese kadeira no meja nune’e estundate sira bele utiliza hodi hala’o aula iha tornu loraik.
“sim iha problema ida mak bele dehan, meza ho kadeira sai problema ida mos, tanba ita eskola iha ne’e, iha fatin rua mak hamutuk, iha parte dader ne’e EBC maka uza fatin ida ne’e tanba internalmente fatin ida ne’e EBC ninan, depois parte meudia tornu lokraik ninian ita sekundaria mak uza, ne’e duni ami infrenta ida kadeira ne’e barak los tanba iha EBC ho estudante ida ne’ebé limita maibe mai fali sekundaria ho estudante ida ne’ebé ho ninia numeru ne’ebé as ituan, entaun aumenta de sala iha 14 sala, entaun ami iha sala 3 ida ne’ebé maka laiha total kadeira ho meza ne’e laiha total entaun ami iha iniasiativa ida haruka estudante balun ne’ebé volontariamente ita komprimisiu ho inan aman katak sira hakarak azuda hodi bele ofrese kadeira balun ba oan sira mai para uza ne’ebé sala ida ne’ebé mamuk sira uza ne’e, sala ida ne’ebé ofrese direita voluntario husi inan aman” nia dehan.
Engkuantu, Eskola Sekundaria Jeral Publiku Suai Klase Paralela Salele kontinua ona ho prosesu aprendizajem ba alunu hamotuk ema na’in 317, no iha professor hamotuk ema na’in 46, kompostu husi, profesor permanente tilomar oan ema na’in 12, professor parsial ne’ebé destaka husi ensino basiku 15, no mos asistente professor sira hamotuk na’in 19.
Jornalista : Moichung/Mauk Anis
Editor : Chamot Nahac
