Covalima (RCCT) 24-04-25-Xefe Suku Beko Arlindo Bernadinho Lemos, husu komunidade agrikultor sira iha Suku Beko atu kuda Lehe iha to’os laran hodi habokur fali rai nune’e bele fo rezultadu kolleta ne’ebé di’ak liu.
Xefe Suku Beko Arlindo Bernadinho Lemos, dehan kuda lehe iha to’os bele kontribui hamenus gastus ba komunidade sira wainhira halo to’os, nia mos husu ba populasaun Suku Besko atu labele abandona ne’ebé produtivu. Tanba ne’e Xefe Suku Arlindo sei kuda uluk lehe iha ninia to’o hodi fo exemplu no sai motivador ba komunidade.
“Hanesan lideransa komunitaria, ha’u rasik mos sei halo ha’u nia to’os ida hodi kuda lehe para fo ezemplu ba komunidade sira seluk, husu ba hotu-hotu mai hamutuk programa ida kuda lehe para bele hamenus ita nia gastus, tanba kuda lehe ona otomatikamente ira sei la hamoos du’ut, ita sei la fila rai hodi hasai fali osan, osan ita hasai hodi selu ba ema hamoos du’ut ne’e mos ita sei la estraga, kuandu ita fila rai tinan ida dala rua ne’e automatikamente estraga rai nia bokur, ne’ebé ita kuda lehe rai ne’e nafatin bokur no labele fila, no labele sunu kuandu sunu ita bele oho ona animal sira ne’ebé moris iha rai leten” informa Xefe Suku Beko.
Xefe Suku Beko Arlindo Bernadinho Lemos, Governu liu husi MInisteriu Agrikultura hamotuk ho parrseiru dezenvolvimentu FAO iha Timor Leste halo ona halo ona levantamentu dadus ba komunidade sira nia to’os nune’e bele implementa programa kuda lehe.
Jornalista : Julio Salinas
Editor : Chamot Nahac
