.jpg)
Covalima (RCCT) 26-06-24-Emprezariu Tilomar oan kontribui ateru Estrada kuak ligasaun Aldeia Koitau ho Aldeia Sadahur, Suku Maudemo, Postu Administrativu Tilomar.
Administrador Postu Administrativu Tilomar, Venancio Sarmento hatete, atividade ne’e realiza tanba iha pedidu husi Administrador ba Tilomar oan sira ne’ebé iha kareta atu ajuda tula rai henek hodi ateru estrada kuak, nune’e fasilita komunidade sira hodi transporta produtu lokal asesu ba merkadu, sorin seluk mos hanesan preparasaun ba misa ordenasaun ba diacono na’in rua iha igreja Salele, Tilomar.
“Semana kotuk halo hela pedidu proposta ba na’in ba kareta ne’ebé ejiste iha Postu Administrativu Tilomar, iha kareta 20 resin proposta ba iha ne’ebé ligadu tanba iha 03 de Jullu mai ne’e sei realiza misa ba diacono na’in rua iha Parokia Salele, ho ida ne’e maka ami halo proposta ba sira atu bele kontribui hatin rai henek ho ida ne’e maka sira komesa hatun rai henek husi Aldeia Koitau mai Sadahur, ateru ida ne’e la’os prepara deit ba diacono na’in rua ne’e maibe sei uza ba iha atividade loro-loron nian liliu fasilita ita nia komunidade lori produtu lokal asesu di’ak liu tan ba merkadu, ba estudante sira no ba komunidade tomak, tanba durante ne’e inundasaun tama ne’e halo motor ho kareta liu ladi’ak maibe komesa ita taka kuak hotu ho komunidade, konsellu suku inklui funsionariu postu hotu no ohin dader hau haree movimentasaun komunidade uza transporte hanesan motor ho kareta komesa asesu ona li husi dalan ida ne’e” dehan APA Tilomar.
Maske nune’e Administrador Postu ne’e nafatin husu ba governu liliu ba servisu munisipal Obras Publiku tau atensaun ba estrada refere hodi tau alkatraun.
“Ami sujere ba iha parte governu liliu ba iha Diretór Servisu Munisipal Obras Publiku Munisipiu Covalima atu bele tau matan mos ba estarada ida ne’e tanba estrada ida ne’e ligasaun entre Suku Maudemo ba iha Kapital munisipiu liliu ba merkadu Suai, hodi ne’e ami husi ba governu ba oin bele tau atensaun atu nune’e estrada ida ne’ebé tau alkatraun ka aspal” nia husu.
Enteratntu to’o informsaun ne’e lansa Jornalista sira seidauk konfirma ho Servisu munisipal obras publiku hodi hetan informsaun relasiona ho rekomendasaun husi Administrador Postu Administrativu Tilomar nian ne’e.
Jornalista : Julio Salinas
