Covalima (RCCT) 08-05-24-Administrador Postu Administrativu (APA) Suai, Ildefonso Maria Amaral, deklara presija halo fiskalizasaun ba konstrusuan Uma Naroman Povu (UNP) hodi hatudu tranparansia ba publiku konaba orsamentu ne’ebé governu gastu.
Nune’e, Administrador Postu Administrativu (APA) Suai, Ildefonso Maria Amaral, husu ba Servisu Munisipal Ajensia Fiskalizasaun atu tun ba terenu halo fiskaliza ba osan Povu nian mak utiliza hodi harii UNP ne’e.
“Tan ne’e husu ba Servisu Munisipal Fiskalizasaun atu bele halo fiskalizasaun ida ne’ebe klaru ba orsamentu ne’ebé hodi harii obra nune’e ita bele hatudu ona tranparensia nakloke ba ema hotu, ida ne’e maka ha’u nia rekomendasaun ba Diretor Ajensia Fiskalizasaun Munisipiu Covalima oinsa atu bele fiskaliza tuir termu ne’ebé iha, liliu atu halo fiskalizasaun ba orsamentu ne’ebé uza hodi harii obra Uma Naroman ba Povu (UNP) iha Suku Kamanasa inklui suku sira seluk likaliza iha Postu Administrativu Suai” informa Administrador Postu Administrativu (APA) Suai, Ildefonso Maria Amaral.
Administrador Postu Administrativu (APA) Suai, Ildefonso Maria Amaral, dehan razaun atu fiskaliza Konstrusuan UNPA para hodi hatudu transparensia ba publiku konaba utilizasaun fundu ne’ebé gastu benefisia duni ba povu.
“Razaun tanba oinsa ita bele iha ona tempu atu bele nakloke ba ema hotu, hatudu transparensia ba publiku katak orsamentu ida hanesan ne’e governu gastu hodi harii obra refere nia gastu ne’e tuir regra ka menu indikativu ne’ebe iha” nia dehan.
Administrador Postu Administrativu (APA) Suai, Ildefonso Maria Amaral, deklara lia ne’e ba RCCT hafoin remata Ko’a fita ba UNP 2022 Unidade sia 9 iha Suku Kamanesa, ne’ebe raliza iha Aldeia Sanfuk, loron 6 fulan maio foin lalais.
Jornalista : Julio Salinas
Editor : Chamot Nahac
