Constantino do Carmo Cardoso hato’o lia ne’e iha diskursu ba serimonia hatun bandeira Nasional ba selebrasaun loron proklamasaun Independensia ba dala 48 iha Maukatar.

“Tuir ha’u nia observasaun OPS sira la halo ninia servisu tuir orientasaun komando, liliu OPS sira, ita boot sira labele hanoin depende deit ba an tanba mai husi instituisaun, mais labele, hanesan administrador postu ita boot sira fo seguransa ba hau nia povu tenke ho dignu labele husik hela hau nia povu hanesan manu oan ki’ik ida” informa Administrador Postu Administrativu Maukatar Constantino do Carmo Cardoso ia nia diskursu 28 novembru foin lalais ne’e.

Nia hasara akontesementu foin lalais iha Suku Matai mosu dezintendementu entre benefisariu ida ho funsionariu Ministeriu Solidariedade Sosial no Inkluzaun, ida ne’e akontese tanba falta kontrolu husi seguransa liliu OPS, tan ne’e ba oin tenke hadi’a sistema ida ne’e.

“foin lalais iha Suku Matai ekipa servisu ida husi sosial, ema benefisariu ida trata, tolok ba hau nia funsionariu MSSI nian, bainhira akontese hau husu tuir dehan katak menus de kontrolu husi OPS, ne’ebé ba oin tenke hadi’a sistema ida ne’e” APA Maukatar husu.

Entertantu relasiona ho notisia ne’ebé publika ona kona ba Administrador Postu Adminisitrativu Maukatar preokupa servisu OPS nian iha Maukatar, Radio Comunidade Cova Taroman sei dauk halo konfirmasaun husi komando Polisiai Nasional Timor-Leste (PNTL) Munisipiu Covalima.

Jornalista : Julio Salinas

Editor       : Chamot Nahac