“kondisaun estrada ne’e loos, iha tempu udan difikulta tebes ita ia komunidade sira atu bele halo viazem husi sira nia aldeia, suku no postu ba iha kapital munisipiu liliu atu lori sira nia produtu lokal ba iha merkadu para bele halo negosiasaun ka fa’an sira nia produtu lokal ne’ebé sira iha, durante ne’e ita hare sira halerik loos liliu iha tempu udan,” informa APA Fatumea Sejar Madeira Amaral.

APA Fatumea haktuir iha tempu badak mos sei kontinua ho programa Mão de obra hodi taka estrada ne’ebé kuak.

“Iha tempu badak mos ita sei nafatin iha programa ida bolu naran mão de obra ne’e ita atu hare liu ba ita nia estrada sira ne’ebé maka at, pelu menus tempu bai loro ona ne’e ami nia pedidu sira halo hotu ona hein deit servisu munisipal sira, ligadu ba iha PAM ho finansas atu halo prosesu ne’e lalaias no tempu badak ita sei implementa mão de obra, planu ne’e ami sei hare liu ba estrada sira ne’ebé maka difikulta loos komunidade, pedidu ne’ebé ami haruka ba ne’e iha faze rua ba iha mão de obra ba tinan ida ne’e, faze primeiru ami sei hare liu estrada sira ne’ebé sai hanesan protokolu karik halo viazem husi munisipiu mai ne’e maka ami foti liu diresaun ida Suku Nanu nian iha Aldeia Tradukama husi area Au Betun nian mai to’o kedas iha postu ita hare estrada sira ne’e maka grave tebes, ne’ebé hodi hein prosesu konstrusaun, ami hanesan autoridade la nonok ho programa mão de obra dala ruma iha fulan junu nia laran bele implementa ona ita nia komunidade sira hanesan baibain tinan kotuk liu ba ita sei atende uluk lai estrada sira ne’ebe maka bele servisu ho liman iha tempu bai loro” nia informa.

Entertantu tuir APA Fatumea Sejar Madeira Amaral dehan ho programa mão de obra mak atu implementa iha Postu Fatumea sei responde ba preokupasaun komunidade nian ne’ebé durante tinan barak nia laran sempre kestiona ba kondisaun estrada difikulta sira atu lori produtu lokal asesu ba merkadu.

Jornalista : Julio Salinas

Editor       : Chamot Nahac