Covalima (RCCT) 29-07-23–Komdisaun Estrada ligasaun Postu Administrativu Fatumea, Tilomar no Suai, ne’ebé durante timor ukun an at grave governu seidauk hadi’a hodi difikulta movitamensaun transporte no ema, liu liu komunidade agrikultur sira atu transporta sira nia produtu lokal hodi asesu ba merkadu iha Kapital Munisipiu covalima.
Nune’e Administrador Postu Admistrativu (APA) Fatumea Geraldo Orleans, husu ba governu dasia ne’ebé lidera husi Primeiru Ministru Kay Rala Xanana Gusmão, atu tau matan no hadi’a kondisaun estrada ligasaun Fatumea-Tilomar no Suai ne’e.
“Ami Fatumea nia estrada ne’e, hahu kedas Timor Ukun An, At grave to’o agora Gover sira seidauk hadi’a, tan ne’e husu nonu governu atu hadi’a ami nia dalan ne’e” APA Futumea husu Sabado (29/07)
Iha fatumea, sabado foin lalais, Administrador ne’e konfesa oitavu konstituisional ne’ebé lidera husi eis Primeiru Ministru Taur Matan Ruak halo ona survey atu kontrui Estrada liga fronteira hahu husi fronteira Salele to’o Batugade ho distansia kilometro 92resin, maibe to’o mandatu oitavu governu remata mos la realiza konstrusaun Estrada ne’e.
Administrador Postu Administrativu Fatumea ne’e afirma ho kondisaun estrada at grave bele prejudika mos ba folin nesesidade baziku sa’e iha Postu Fatumea.
Entertantu Timor Leste hamrik mesak sai nasaun durante tinan 20resin ona maibe kondisaun estrada husi Fatumea liga ba iha Postu Administrativu Tilomar liu ba Kapital Munisipiu Covalima seidauk iha mudansa nune’e prejudika populasaun sira nia moris liu liu atu asesu ba merkadu.
Jornalista:JS
Editor : CN
