Covalima (RCCT) 11-02-21-Administrador Posto Administrativu (APA) Fatumea Felomino Cardoso hateten Kondisaun Estrada ne’ebe ladi’ak husi Posto Tilomar liga ba Posto Fatumea difisil halo transporte Sira atu halo movinentu ba Mai no mos difikulta servisu siguransa sira iha linha fronteira hodi kontrola movimentu ilegais, tanba ne’e nia husu ba Ministerio Obras Publiku tau tau prioridade hodi hadia Estrada ne’e.
“Estrada bo’ot husi Posto Tilomar liga ba Posto Fatumea ne’ e prioridades tebes atu hadi’a, Tanba ne’e husu ba Ministerio Obaras Publiku atu hadi’a Estrada ne’e. nune’e labele difikulta mos siguransa Sira hodi kontrolu komunidade Sira Liu Liu iha tempu iha situasaun Covid 19 nia laran ne’e “ Dehan APA Fatumea
Administrador Ne’e Hatutan BainHira kondisaun Estrada ne’ebe Mak a’at bele fo impaktu ba komunidade no Ema hotu atu halo movimentu ba mai Liu Liu komunidade Sira husi Posto Fatumea atu lori Sira Nia produtu lokal hodi ba asesu iha merkadoria Munispal.
“Dalan Ladi’ak ne’e mos halo Povu Sira iha Fatumea susar atu lori sira produtu lokais mai faan iha merkadu Municipal iha Suai, sa tan iha tempo udan” tenik APA Fatumea Filomino Cardoso.
Hatan ba Preokupasaun ne’e Diretor Servisu Obaras Publika Munisipal (MOP)-Covalima Alberto Cardoso resposta ho problemas ne’e, karik iha proposta 5 ne’e ba nessesario ih Posto, nebe hato’o husi Suco atu Posto bele priense ona ba Formatu Proposta 5 mai iha Nivel Munisipio hodi Prepara ba planu tinan 2022.
“Karik iha Posto Fatumea prioridade ba Sira mak atu halo rehablitasaun Estrada, bele priense Formatu Proposta hodi submete Mai munispio, Bainhira iha nivel Muncispio hare proposta estrada ne’e hanesan grandes projeto, husi municipio sei submete proposta refere ba iha Nasional, tan iha Municipio labele foti desizaun , karik proposta ne’ e kategoria Grandes projetos.” Esplika Diretur Servisu MOP-Covalima.
Jornalista : Saturnino Soares
Editor : Chamot Nahac.
