Covalima (RCCT) 21-08-23–Atu prezerva no kuidadu arkivu iha instituisaun relevante sira segudan feira ne’e Arkivu Nasional Timor-Leste Institutu Publiku realiza formasaun ba Funsionariu Publiku sira iha Covalima kona-ba jestaun arkivu korente no arkivu vital.
Diretor Jeral Arkivu Nasional Timor-Leste Institutu Publiku, Manuel Soares Tilman, hatete objetivu principal ho nia papel importante atu dezenvolve no prezerva arkivu ne’ebe iha valores ba estadu no boa governasaun ida ne’e.
“ita halo atividade ida ne’e ba funsionariu sira ho objetivu no mos papel importante atu prezerva arkivu ne’ebe iha valor ba estadu no boa govenasaun,” Katak Diretór Jeral Arkivu Nasional Timor-Leste Institutu Publiku, Manuel Soares Tilman
Xefe Seksaun Serbisu Lokal Dezenvolvimentu Komunitariu Postu Administrativu Maukatar, Antonio Marsal Amaral, esklarese katak formasaun arkivu ne’e importante tebes ba funsionariu sira tanba oinsa atu bele jere administrasaun iha instituisaun ida-idak ho diak liu tan.
Entertantu formasaun ne’e hala’o iha salaun da Pas CNE Munisipiu Covalima no formasaun ne’e rasik hala’o durante loron lima nia laran hahu iha segudan no sei remata iha sesta semana ne’e, maioria funsionariu publiku iha Munisipiu Covalima barak maka tuir formasaun refere.
Jornalista JS
Editor CN
