Tuir Xefe Suku Raimea Agustinho Sequeira Sesta (26/01) ne’e via telefoni ba RCCT katak, uma kain 20 ne’ebé anin sobu iha suku raimea ne’e lokaliza iha aldeia Aldeia 4, hanesan Aldeia Beilaku, Loro, Uma Klaran no Oebaba.
“Tuir dadus ka informasaun ne’ebé há’u simu husi komunidade sira katak oras ne’e daudaun komunidade nia uma hamutuk-20 maka hetan estragus hafoin hetan akontesementu iha dia 23-26 ohin dader madrugada ne’e uma komunidade nian 20 anin sobu ona ne’e mai husi aldeia-4 hanesan Uma Klaran, Loro, Beilaku no Oebaba, iha Suku Raimea, akontesementu iha dia 23 ne’e ita hato’o ona ba iha Autoridade Protesaun Civil tanba ne’e horseik Kinta sira lori ona sasan emerjensia mai fahe ba komunidade vitima uma kain rua, maibe husi komunidade vitima balu mak sei dauk hetan apoiu emerjensia, maibe ba vitima sira ne’ebé foin afeta iha ohin dadersan madrugada ne’e aban maka foin atu submete lista ba iha APC munisipiu oinsa vitima sira ne’e bele hetan hotu apoiu emerjensia” Xefe Suku Raimea Agustinho Sequeira relata via telefoni.
Nune’e mos Xefe Aldeia Beilaku Crispin Gonzaga relata, daudaun ne’e iha Aldeia Beilaku komunidade nia uma hamotuk 6 maka hetan ona estragus husi anin.
“Ha’u nia povu sira hetan dezastre, anin sobu sira nia uma, tuir ha’u nia servisu foti dadus iha ona uma kain 16 mak hetan ona estragus iha Aldeia Beilaku, Suku Raimea, tanba ne’e ha’u husu ba APC Covalima liliu ba governu ida ne’e atu bele fo atensaun ka fo apoiu emerjensia ruma ba vitima ne’ebé sira nia uma anin sobu ona, tanba ne’e hanesan xefe aldeia komesa foti ona dadus oinsa atu hodi hato’o ba iha munisipiu” nia dehan.
Enteratntu Tuir Xefe Suku Raimea Agustinho Sequeira no Xefe Aldeia Beilaku Crispin Gonzaga, relata informasaun via telefoni mai Radio Comunidade Cova Taroman katak ani hahu sobu komunidade nia uma iha loron 23-26 ohin madrgugada iha suku Raimea hamotuk uma kain 20 ona maka hetan estragus no oras ne’e daudaun familia vitima sira obrigadu tenke halai ba hela hamutuk ho familia ka vizinu ne’ebé sira nia uma ne’ebé la hetan estragus husi anin, no tuir informasaun katak iha Suku Raimea anin sobu deit maka komunidade nia uma maibe ba iha fasilidade publiku sira hanesan eskola, kapela no fasilidade sira seluk anin la sobu.
Jornalista :Julio Salinas
Editor : Chamot Nahac
