Foto :Komunidade Suku Kamenasa Angelo Amaral “Angel Revolta”

Covalima (RCCT) 11-10-23–Hela deit semana rua timor leste atu realiza tan eleisaun hodi hili lideransa sira iha kada suku no aldeia. Nune’e hanesan timor oan ema hotu iha direitu atu kandidata an hodi kompete no direitu atu hili tuir sira nia konsiesia.

Nune’e iha Munisipiu Covalima, iha ona feto pontesial lubuk ida ne’ebé iha komitmentu hakarak kompete iha eleisaun suku tinan ne’e. Hanesan, Remigia Alves Tilman kandidata Feto iha Suku Kasabauk, Maria Fatima, Re-Kandidata iha Suku Maudemu Postu Administrativu Tilomar, Iha Suku Kamenasa Postu Administrativu Suai, Ana Maria Pereira mos nuda Feto Pontensia prontu lidera ida ne’ebé kandidata mos atu kompente iha eleisaun Suku ba Tinan ida ne’e.

Komunidade iha Suku Kamenasa, Angelino Amaral “Angel Revolta” konsidera feto mos iha kapasidade atu lidera Suku, nia dehan previleju bo’ot wainhira feto iha Kamenasa prontu Kompete iha eleisaun Suku basa ne’e hatur istoria foun.

“Se krik feto mak hetan fiar husi povu iha suku ida-idak nian, nia mak lidera duni ne’e hanesan marka istoria ida, karik feto maka iha nia suku rasik nia renu fo fiar ba nia lidera duni nia suku ne’e, signifika katak ne’e mudansa tebes ba feto Timor-Leste, nudar sidadaun Timor oan hau konsidera feto sira mos iha direitu atu sai lideransa komunitaria, feto sira kapasidade hau hanoin ho mane sira nia kapasidade hanesan” Angelo Amaral, Dale.

Foto: Ana Maria Pereira: Kandidatura Xefe Kamenasa 2023-2030

Feto Potensia Ana Maria Pereira Prontu Kompete iha eleisaun hodi Xefe Suku kamenesa ba periode 2023-2030, Ana Maria Pereira oras ne’e hamrik firme ho prinsipiu Dolin tuir lian terik kamenasa “ Kaberan ko imi kadia Kamenasa” mai ho pensamentu hakarak halo dezenvolvimentu ida ne’ebé inklusvu iha balansu jeneru, saudavel tranquila, no rejeita desigualidade sosial.

“Feto mos prontu atu lidera, durante ne’e mane sira kaer ukun maibe laiha mudansa, ne’ebé ha’u feto koko atu kandidata an ba xefe suku, ha’u hakarak atu lidera duni suku ida ne’e oinsa atu motiva ba ha’u nia feto maluk sira,liliu iha suku ida ne’e,” Kandidata Xefe Kamenasa Periode 2023-2030, Ana Maria Pereira Esplika.

Nia salienta, wainhira povu fo fiar ba nia lidera Suku Kamenasa maka, sei halo uluk programa konaba amibiente mos no ijiene atu povu sira moris saudavel.

“karik povu fo fiar mai ha’u primeiru programa haree ba ha’u nia suku tanba oras ne’e daudaun animal mos nakunu iha suku laran, ida ne’e mos ha’u la’os la’o mesak maibe sei hamutuk ho ema hotu, katuas lia na’in suku” Ana dehan.

Kadidatu Xefe Suku Feto iha Kamenasa, Ana Maria Pereira mos halore nia eperensia no preparasaun ne’ebé durante nia halo molok hakat ba kandidata hodi kompete iha eleisaun lider komunitaria ne’ebé sei akontese iha loron 28 Fulan Outubro 2023.

“iha tinan 2016 ha’u mos tuir ona formasaun atu kandidata an ba xefe suku, husu Suku Kamanasa ha’u maka ba duni tuir formasaun ida ne’e iha Dili konaba lideransa nian, oras ne’e daudaun ha’u mos inklina an iha feto potensial liliu ba grupu feto, ami nia Grupu naran Feto Foinsa’e, iha ne’eba hau nudar Xefe grupu inklui hau ho membru hamutuk na’in-12” Ana afirma.

Komunidade Feto sira iha Suku Kamenasa mos iha simpatia no apoiu ba feto maluk ne’ebe pronto uluk Kompete iha eleisaun suku ba preiode 2023-2030.

“Hau apoiu feto maluk hau hakarak tebes iha periode ida ne’e hakarak feto ida atu bele lidera ami feto maluk iha ne’e, tanba baibain tinan ba tinan sempre mane mak iha sai lideransa hanesan xefe aldeia no xefe suku, maibe ba tempu ida ne’e ami hakarak tebes feto ida maka bele lidera am iha ne’eba, atu nune’e mane bele ami feto mos bele, haree ba jender servisu imi mane bele halo ami feto mos bele halo” Olifa L Nahak, dehan.

Entretantu Ana Maria Pereira moris iha suku kamenasa, loron 19 fulan juni tinan 1967, Ana Maria, nudar inan ba nia ona nain 5 feto 1 mane nain 4, maibe depois de nia kaben husik hela mundu ne’e halo nia sai feto faluk nebe forti, assume knar hanesan aman no mos inan ba nia oan sira.