Covalima (RCCT)30-04-21 Administrador Municipio Covalima Fransisco de Andrade informa hahu husi loron ohin (30-04) ba oin sei bandu Provizoria ba komunidade Covalima nebe mak atu halo viajen ba iha dili tanba agora dadaun Covid- 9 iha kapital Dili kontinua aumenta.
“Oras ne’e dadaun iha Adminitrasaun Muncipio Covalima, taka dalan atu viajen ba Capital Dili ho razaun katak oras ne’e dadaun komunidade sira iha dili ita hare positivo moras Covid -19 numeru sa’e as liu ona, ha’u rona katak iha Ainaro mos iha tan ona, tanba nee mak provizoriu tenki taka dalan maibe signifika sei taka ba ema nebe atu vizita familia, ba serbisu saude, militar, funcionario, policia, ita la taka tanba sira n’ee serbisu estadu nian, e horiseik ita taka ona dalan ba komunidade no estudante hotu” Dehan Administrador Municipio Covalima Franscisco de Andrade wainhira partisipa iha aktividade evaluasaun Servisu Saude Covalima kona ba Aktividade vasina AstraZeneka, nebe realiza iha saulaun Administrasaun Covalima Sexta Feira Ohin.
Administrador Covalima mos husu ba pessoal Saude sira liu liu ba servisu laboratoriu atu identifika didi’ak rezultadu bainhira halo Swap ba komunidade sira.
Entretantu tuir informasaun husi jornalista rcct Asesu hahu husi ohin (30-02) Servisu Administrasaun Covalima seidauk bele atende komunidade sira nebe atu trata (karta) Guia de marDa hodi halo viajen ba iha kapital dili, maibe sei atende deit ba ema sira nebe servisun iha instituisaun Governu nebe maka iha servisu urjente nebe persija trata iha Kapital RDTL iha Dili .
Jonalista: Lito De Jesus & Jose Ferrira
Editor: Chamot Nahac
