Letratu : Administrador Munisipiu Covalima, Francisco de Andrade, Foto : Julio Salinas

Francisco de Andrade dehan lia ne’e, Relasiona ho selebrasaun loron nasonal juventude ba dala XXI no komemora Masakre Santa Cruz 1991 ba dala XXXII,

“Tempu ida Uluk joven fo sira nia vida tomak hakarak luta ba ukun rasik an, tanba ne’e ohin ita selebra loron 12 de Novembru hanoin hikas sira nia luta ne’ebé uluk sira halo atu hetan independensia ida ne’e” informa Administrador Munisípiu Covalima Francisco de Andrade ba jornalista sira iha STAE Covalima hafoin akompaña STAE Distribui Material Sensitivu no La’os Sensitivu ba sentru votasaun sira iha Covalima.

Nune’e, Administradór Munisípiu Covalima Francisco de Andrade husu ba foinsae sira atu banati tuir Juventude rezistensia sira nia unidade hodi luta ba ukun rasik an ida ne’e.

“Tanba ne’e iha altura sira bolu ha’u ba iha Centru Juventude Covalima ha’u atu halo alokasaun orsamentu hodi komemora loron 12 Novembru ne’e, ha’u apela ba juventude sira tenke banati tuir ezemplo hirak ne’ebé ita nia maun sira halo hanesan unidade, tanba uluk tempu rejistensia juventude entre arte marsiais hatudu unidade ida ne’ebé metin, maibe ita kompra ho agora daudaun juventude sira ne’e ida-idak hamrik ninian arte marsiais sai fali inimigu ida ne’e mak ladi’ak, tanba ne’e husu ba joven sira kria unidade” informa Administrador Munisípiu Covalima.

Entertantu administradór munisipiu ne’e husu ba foin sae iha covalima atu banati tuir saida maka juvemtude rejistensia sira halo hodi luta ba ukun rasik an ida ne’e, labele sai fali inimigu ba malu.

Jornlista : Julio Salinas

Editor : Chamot Nahac