Covalima (RCCT) 15-07-23–Autoridade Munisipiu Covalima Sesta selebra loron Funsaun Publiku ho atividades rua hanesan marsa saudavel no iha parte lokraik sei husu misa agradesementu iha Paroko Igreja Ave Maria Suai, ne’ebe sei involve funsionariu hotu inklui estudante sira.
Sekretariu Munisipiu Covalima Francisco de Jesus Alves, ba Suai Post iha nia knar fatin hateten, ho atividades rua ne’e atu hodi selebra loron funsaun publika ba dala sia, lolos ne’e monu iha loron 15 fulan jullu maibe loron refere monu iha loron feriadu maka ohin iha Covalima selebra ona.
Nia dehan hanesan funsionariu pbliku, aparelu estadu nian fo nafatin esperansa servi povu ho diak liu tan, liliu iha rai Covalima.
Entertantu selebrasaun loron funsaun publiku ba dala sia iha Covalima hetan animasaun dram band husi Eskola Secundaria Geral Publika Suai, no hetan partisipasaun masimu husi funsionariu hotu no estudante sira.
Jornalista : JS/Moi Chung
