Covalima (RCCT) 03-04-23—Administrasaun Munisípiu Covalima, Servisu Munisipal Edukasaun Munisipaal, lansa Programa Merenda Eskolar (PME) periodu 2023.
Iha lansamentu ne’e Administrador Munisipiu Covalima Francisco de Andrade dehan, tinan ne’e PME la’os deit implenta iha Pre-eskolar no ensino baziku sira, maibe implementa mos iha eskola katolika sira mak iziste iha Covalima.
“Programa merenda eskolár iha Covalima pela primeiru ves iha 2023, atu hatete lolos ba ita bo’ot sira katak lolos ne’e ita tarde ona implementasaun PME ne’e, maibe tarde la’os ita nia kulpa, tanba tarde iha programa ne’ebé hetan adisional ka aumenta, iha ambitu orsamentu ba PME iha tinan pasadu ita fo han deit ba pre-eskolar ho ensinu baziku publika ninian, maibe tinan ida agora ita fo han mos ba eskola privadu ka eskola katólika eziste iha Covalima laran tomak” informa Administrador Munisípiu Covalima Francisco de Andrade iha nia intervensaun wainhira hala’o lansamentu ba Programa Merenda Eskolár (PME) ne’ebé hala’o iha Eskola Bazika Central Ladi, Suku Kamanasa, Postu Administrativu Suai, Segunda (03/04).
Administrador afirma orsamentu ba PME 2023 aprova liu tiha ona maibe liu husi esforsu maka bolu Diretór Edukasaun, Super intendente, ho Diretór finansas Munisípiu Covalima tur hamutuk hodi halo azersisiu ba orsamentu no preve no kobre ba EBC hotu iha Covalima, inklui eskola pre-eskolár 17.
“Primeiru iha halo proposta atu dimenui fila fali lori objetivu 174ba fali 150 ne’e la involve pre-eskolár 17 ne’ebe agora harii daudauk, entaun signifika ita sei falta nafatin tanba pre-eskolár labaraik ida ne’ebe idade ki’ik presija han duni iha eskola” nia dehan.
Administrador haktuir implementasaun PME ida agora la hanesan ho ida uluk nian, implementasaun ida uluk orsamentu ba tama iha Diretór eskola no sira maka jere rasik, maibe agora fali forma ekipa ekipa jestaun programa merenda eskolár, no orsamentu transfere direta ba konta bankaria ekipa jestaun nian.
Administrador husu ba Diretór eskola sira tenke serbisu kada loron halo relatóriu konaba lrealasiona ho estudante han iha eskola, labele halo hanesan uluk ohin fo han ema 100, aban mos nafatin fo han ema 100, ida ne’e lakohi atubakontese tan, tanba ne’e apela ba Diretór sira hotu tenke iha relatoriu kada loron konaba labarik sira han iha eskola.
Nia dehan relatoriu sira ne’e sei rai hela iha ida idak nia eskola loron ikus ema sei mai halo auditória ba iha eskola ida idak ne’e la hanesan ona uluk.
Uluk relatoriu ne’ebé tama bainhira halo fiskalizasaun iha eskola barak akontese la fo han labarik sira hanesan fali almosu ba profesor sira tan ne’e maka hamosu EJP no iha administrasaun mos sei forma ekipa ida tuir mata dalan ne’ebé iha.
Entertantu partisipa iha lansamentu PME Administrador Munisipiu Covalima Francisco de Andrade, Superintendente Edukasaun Munisípiu Covalima, Diretór eskola baziku sira inklui estudante husi eskola bazika Central Ladi.
Jornalista :JS
Editor : CN
