Covalima (RCCT) 01-05-25-Iha loron 29 sai loron triteza ida ba iha Instituisaun Alfandega liliu iha Munisipiu Covalima tanba rona novidade lori lia rekado katak lakon ona funsionariu Julio Alves.
Maktoban Julio Alves hahu nia servisu iha Instituisaun estadu nian, Alfandega hahu husi tinan 2002 to’o termina ninia jornada moris iha tinan 2025.
Julio Alves husik hela nia kaben Isabel Carvalho no oan feto na’in-2 inklui parentes no belu servisu nian iha Alfandega Postu Integradu Salele tanba sofre moras komplikadu.
Iha Tempu Okupasaun Indonesia, Matoban nudar funsionariu servisu Imigrasaun ne’e, dedika an mos hodi kontribui ba ukun rasik an, liu husi fasilita timor oan sira ne’ebé hakarak trata pasaporte hodi ba halo diplomasia iha estranjeiru relasiona ho luta ba timor nia independensia.
“Iha Okupasaun Indonesia, Maktoban Julio Alves hetan oportunidade no hahu nia servisu iha imigrasaun Dili to’o Timor hetan ukun rasik an. Maktoban Julio Alves mos fas parte husi servisu iha kaixa klandestina, iha nia area servisu, fasilita prosesu halo pasaporte ba Timor Oan barak ne’ebé presija hala’o servisu Diplomasia ba ukun rasik an Timor-Leste ninian,” Familia matebian Gilberto Soares lee sai Biografia iha funebre maktoban Julio Alves iha Semiteriu Zumalai Kinta (01/05).
Matoban Julio Alves Forma uma kain ho nia kaben Isabel do Carmo iha tinan 1998, hodi hetan oan hamotuk na’in 5, maibe maromak bolu fali Julio nia oan na’in 3 ba moris iha lalehan no hela oan na’in rua mak moris hamotuk ho Julio no kaben Isabel iha mundu to’o Julio hakotu nia pregrinasaun moris iha loron 29 fulan Abril tinan 2025.
“Iha tinan 1998 maktoban Julio Alves husi Uma lisan Tai Bele forma uma kain ho nia kaben Isabel Carvalho husi Uma lisan Siva Carvalho ho hetan oan na’in-5 maibe iha oan na’in-3 aman maromak bolu hikas no na’in rua sei moris hodi hamutuk ho inan faluk maka Evalina Carvalho Alves no Isabel Carvalho Alves,” Familia matebian Gilberto Soares lee sai Biografia iha funebre maktoban Julio Alves iha Semiteriu Zumalai Kinta (01/05).
Julio Alves Hanesan Pioneriu Ofisial Alfadeda ne’ebé governu Timor Leste rekruta iha tinan 2002, servisu tuir protokollu alfandega nian ativu to’o matoban Julio hakotuk nia jornada moris iha mundu.
“Maktoban Julio Alves mos sai hanesan ofisiais Alfandega, pioneru ida husi tinan 2002 ne’ebé governu Timor Leste rekruta, to’o ohin loron maktoban Julio Alves servisu hanesan ofisial Alfandega iha teritoriu Timor-Leste hamutuk tinan 23 ho kompaisaun determinadu no servisu tuir protokolu Alfandega ne’ebé iha, durante hetan alokasaun servisu nian iha Suai/ Covalima, maktoban Julio Alves iha Bairro Costa, Suai” Familia matebian Gilberto Soares lee sai Biografia iha funebre maktoban Julio Alves iha Semiteriu Zumalai Kinta (01/05).
Familia matebian, Gilberto Soares kontak katak, iha semana tolu liu ba familia lori Matoban ba halo tratamentu Ospital Referal Suai, maibe tanba Matoban sofre moras komplikadu maka parte ospital Suai evakua Matoban Julio Alves ba ba Ospital Nasional Guido Valadares hodi hetan tramantu ba ninia moras maibe, maibe planu maromak nian maka iha loron 29 fulan Abril Julio Alves tenki temina ninia pregrinasaun iha mundu.
“Infelismente iha sabadu semana tolu kotuk maktoban Julio Alves sente moras no familia lori ba kedas iha ospital referal Suai hodi hetan kuidadu saude iha sala emerjensia, ikus mai mediku iha ospital Suai halo transferensia ba maktoban husi opsital Suai ba HNGV ho ambulansia , iha ne’eba ekipa espesialista iha HNGV tenta maneija maktoban nia kondisaun ne’ebé durante semana rua, maibe iha Tersa feira oras tuku 6 lorokraik maktoban Julio Alves hakotu ninia jornada moris iha HNGV” Gilberto haktuir.
Maktoban Julio Alves nudar oan husi Agrefino da Costa no Agrefina da Costa Soares. Maktoban moris iha Harekain iha loron 07 fulan Jullu 1969, maktoban hahu nia nivel edukasaun iha ensino primaria (SD) iha Hatu-Udu Ainaro, depois remata nia estudu nia kontinua eskola iha Pre-Sekundaria (SMP Negri-2) Suai, depois akaba maktoban kontinua ba ensinu Sekundaria iha SMEA Aileu, iha tinan 1993.
Jornalista : Julio Salinas
Editor : Chamot Nahac
