Covalima (RCCT) 12-07-23–Udan bo’ot ne’ebe akontese iha Munisipiu Covalima durante semana ida resin iha ikus husi fulan junu tinan ne’e, hamosu erosaun iha Postu Administrativu Zumalai hodi rezulta Uma Naroman ba Povu 4 hetan estragus grave total no naton, kompostu husi Suku Zulo uma rua, Lepo uma ida no Suku Lour uma ida.
Engeneiru PNDS Munisipiu Covalima, Adão A. Z do Amaral ba Suai Post iha nia knar fatin hateten, akontese erosaun ne’e mos rezulta PNDS regular, projetu kontrusaun moru haleu Eskola Filial Baziku Zulo Tas ne’ebe mak ho progresu atinje ona pursentu 100 hetan estragus total.
Adão dehan akontese udan boot foin lalais ne’e estraga mos material kontrusaun iha suku thasilin hamotuk semente saku 107 sai fatuk total no triplex tahan 75 maka udan ben fase.
Konaba prosesu kontinuasaun konstrusaun UNP ne’ebe hetan estraga total no naton ne’e depende ba desizaun husi nasional waihira mai halo ona indetifikasaun.
Entertantu UNP ida ho kondisaun grave iha Suku Zulo afeta ba benefisariu Selestina Cardoso, uma ida seluk ne’ebe at grave naton afeta ba benefisariu Emelia Conçecão, iha Suku Lepo uma ida ho komdisaun at grave total afeta ba benefisariu Andre de Deus no uma ida seluk iha Aldeia Pelet, Suku Lour at grave total afeta ba benefisariu Fatima Mesquita.
Jornalista : JS
Edito CN
