Ba Jornalista sira, Prezidente Asosiasaun jornalista Timor Lorosa’e (AJTL) Jevonia Vieira, dehan liu husi Treinamentu hasa’e kuñesimentu Jornalista Radio Komunidade nian halo kobertura ba asuntu direitu umanus iha munisipiu. Jevonia Viera mos dehan AJTL ninina Papel importante atu kapasita membru sira hodi bele iha kuñesimentu konaba asuntu diretu umanu hodi defende liberdade imprensa no liberdade ba espresaun timor leste.
“AJTL iha responsablidade bo’ot ida oinsa mak hasa’e kuñesementu no kapasidade ba nia membru sira atu bele komprende di’ak tanba direitus humanus ne’e importante ba Jornalista sira, tanba jornalista sira luta ba liberdade Imprensa no Espresaun, Liberdade espresaun ne’e parte husi direitus umanus entaun jornalista tenki iha kuñesementu konaba papel jornalista oinsa luta ba liberdade imprensa” Prezidente AJTL, Jevonia Viera, Dehan.
“Ke’ebe ho lia los defende grupu vulneravel sira, hare konaba lei sira ne’ebé karik limiti sidadaun hotu hotu, jornalista hotu hotu sira nia espasu atu ko’alia atu espresa sai sira prekupasaun ho nune’e jornalista labele atu aprende konaba teknik jornalismu maibe iha asumi importante ne’ebé jornalista presija mos iha kuñesementu ida mak prinsipiu direitus umanu, seim diretus umanu ita nia Liberdade Imprensa no espresaun labele la’o di’ak iha ita nia nasaun demkratiku’’ Prezidente Asosiasaun jornalista timor-Leste (AJTL) Jevonia Vieira hateten
Jornalista Radio Komunidade Lian Matebean Baucau, Feliciano Venancio Belo, konsidera formasaun ne’e bele kapasita hodi hasa’e abilidade kobertura konaba asuntu sosiais no mos diretu umanu ninian.
“Materia ne’e importante ba ami, atu kopleta tan ami nia kapasidade liuliu atu halo kobertura ba asuntu sosial sira” Jornalista Radio Komunidade Lian Matebean Baucau, Feliciano Venancio Belo dehan.
Formasaun hanesan sei hala’o ho etapa hat, etapa primeiru mak hala’o ona ba jornalista husi radio Komunidade sira no etapa segundu mak sei hala’o espesial ho jornalista feto sira no etapa teseiru ba Jornalista sira iha Nasional no etapa da hat ba Editor sira. Engkuantu Formasaun konaba Diretu Umanu no Jurnalizmu etapa dahuluk ne’e realiza durante loron rua (25-26 fulan Outobru) ba jornalista radio komunidade sira iha salaun FUPERS, Farol Dili.
Jornalista:Moichung
Editor : Chamot Nahac
