Diretóra Diresaun Metrolojia Padronizasaun AIFAESA I.P, Julia Sancha da Conceição Varela hatete durante halo inspesaun ba loja no kios hamutuk 197 iha Covalima, iha Postu Administrativu Tilomar, Suai no Zumalai, loja ka kios sira ne’ebé hetan infrasaun iha 5, liu prazu 4  no sira ne’ebe fa’an besi sukat la tuir regularidade iha 1, no sira ne’e sei hetan sansaun, durante halo inpesaun ekipa AIFAESA mos husu ba loja na’in no kios na’in sira ne’ebé seidauk iha lisensa atu bele ba trata dokumentu iha SERVE, IP.

“Ami nia atividade ne’e komesa hahu husi Tilomar tama to’o Zumalai, Tilomar rasik iha negosiante hamutuk 28 hala’o atividade ekonomia, Suai hamutuk 135 no Zumalai ohin ami halo dadauk ne’e iha 34 tanba ne’e husi total hamutuk 197, prosesu hamutuk ne’ebé hetan infrasaun iha-5, liu prazu-4 kona ba medida sukat besi ne’ebe la tui regularidade iha ida, sira ne’e ami prosesa sei hetan sansaun depende ba grau, no ami mos fo hanoin ba sira para nune’e sira bele halo kontrolu ba sira nia sasan liu prazu, sira mos kopera no fo tempu ba AIFAESA bele halo kontrola ba sira nia sasan no chack sira nia dokumentus lisensa mate ona fo informasaun ba sira atu bele hamoris fali sira nia lisensa negosiu nian” dehan Diretóra Diresaun Metrolojia Padronizasaun AIFAESA I.P, Julia Sancha da Conceição Varela ba jornalista sira iha Zumalai hafoin halo destruisaun ba sasan sira ne’ebe liu prazu no kontra bandu AIFAESA prende Sesta (26/07).

Fatin hanesan Administrador Postu Administrativu (APA) Zumalai, Alipio Magno, konsidera Negosiate sira la iha kontrola ba sasan ne’ebe liu ona prazu maibe kontinua fa’an, aproveita hodi hetan lukru husi komunidade sira.

“Ita nia komunidade sira la hatene sasan sira ne’e nia prazu liu ona ka sei dauk ne’e la hatene, so ida ne’e AIFAESA mai deteta buat sira ne’e iha sira nia loja ou kios tanba durante ne’e kios ka loja na’in sira mos maladru uitoan tanba sira hatene sasan sira ne’e ema labele konsumu ona sira na’in rasik maka destrui sasan sira ne’e mais presija ita tenke kontroka masimu ba sira, ne’ebe prezensa AIFAESA nian ne’e importante tebes sira foin loron ida kontrola iha Zumalai laran sei dauk hotu mas volume sasan liu prazu hanesan ne’e ona depois sira nia prezensa fulan 6 mak foin mai dala ida tanba sira nia rekursu limitadu, tanba ida ne’e maka ita presija ba futuru husu AIFAESA tenke tau sira nia staff balu iha Covalima atu nune’e pelumenus fulan ida halo kontrola dala ida, tanba ita hatene ona loja na’in sira ne’e nia maladru maka hanesna ne’e, sira nia hanoin ne’e sira nia sasan hatene ladun di’ak ona mos kontinua fa’an nafatin hodi hetan osan maibe la hanoin ba ema nia saude, husu atu halo lei ida kuandu AIFAESA tun kaer toman hanesn ne’e tenke fo kastigu ba loja na’in ka kios na’in sira” nia dehan.

Enkuantu durante loron lima nia laran prezensa AIFAESA iha Covalima konsege prende sasan ne’ebé liu ona prazu maibe loja ka kios na’in sira kontinua fa’an ba komunidade, durante halo inspesaun ekipa AIFAESA hetan akompañamentu seguransa husi polisia, no sasan sira ne’ebé prende halo kedas destruisaun ka sunu iha Zumalai.

Jornalista : Julio Salinas

Editor      : Chamot Nahac