Covalima (RCCT) 25-03-24-World Vison iha Timor Leste identifika ona Suku hat (4) iha Postu Administrativu Zumalai sai hanesan area tarjetu ba projeitu El-Nino iha Munisipiu Covalima tanba tuir peskija husi Food and Agriculture Organization (FAO), Privizaun tempo tuir Combined Draught Index(CDI) katak liu tia ona pursentu nen nulu (60%) Munisipiu Covalima sei hasoru bairo loro naruk.
Jerente World Vision Munisipiu Covalima, João Moniz,relata, projetu ne’e realiza tanba hetan apoiu orsamentu husi Governu Australia liu husi “Australia Humanitarian Partnership”(AHP) no mos area tarjetu ba projeitu El-Nino ne’e mak suku sira ne’ebé konsidera hanesan fatin risku ba dezastre natural no mos durante sei menus asesu ba be mos iha moris loro loron nian.
“Ita identifika ba area tarjetu ba iha projetu El-Nino supurta husi suporta husi Governu Australia liu husi “Australia Humanitarian Partnership”(AHP) tanba bazeia ba relatoriu husi organizasaun FAO,Privizaun tempo tuir Combined Draught Index (CDI) katak tempu ba iha sistema liu ona husi pursentu 60, ida ne’e sei afeta ba bai loro naruk ba iha Munisipiu Covalima, tanba ne’e ita mos iha oportunidade katak autoridade lokal sira hanesan husi Autoridade Protesaun Sivil (APC) fo informasaun katak suku ida hanesan ne’e sei meus be, risku iha dezastre tan ne’e ita foka liu ba suku 4 partensia ba iha Postu Administrativu Zumalai hanesan Suku Lepo, Fatuleto, Zulo no Suku Mape, dadus hirak ne’e fo sai husi FAO hanesan paseriu ida nia maka hatene liu kona ba klimatika nian, simu husi autoridade iha nasional mai munisipiu katak ida ne’e menus husi pursentu 60 ne’e sei iha risku ba iha komunidade bainhira iha tempu bai loro naruk, atividade ba halo prevensaun maka ohin ita hato’o ba autoridade lokal sira katak maka ita sei halo konservasaun ba iha be matan, ita halo identifika ba area dezastre sira, rsiku ba iha rai halai atu komunidade sira bele kuda ai oan, tan ne’e ami prepara fini ba komunidade sira no ita sei hanorin komunidade sira oinsa maka prepara ai han ba iha tempu bai loro naruk ne’e” informa Jerente World Vision Munisipiu Covalima ba jornalista sira iha salaun enkontru Administrasaun Munisipiu Covalima Sesta (22/03).
Iha Fatin hanesan, Xefe Suku Lepo, Bonifacio da Costa apresia ho programa husi organizasaun World Vision tanba bele halo antisipada ba komunidade sira hodi hasoru bai loro naruk dezastre natural.
“Ha’u agradese tebes tanba ho programa ida ne’e World Vision bele halo hela planu El Nino ba futuru nian oinsa atu implementa iha suku atu hodi asegura ba komunidade sira no mos ba rai ne’ebé halai no tempu bai loro naruk mosu mai bele asegura komunidade ho di’ak, ha’u nudar autoridade lokal iha prinsipiu no atu kordenasaun no komunikasaun ho parseiru sira ne’ebé hanesan World Vision ne’ebé agora daudaun tama iha Suku Lepo bele kopera ho di’ak organiza komunidade sira bele dezenvolve programa ne’e la’o ho di’ak iha suku laran, programa World Vision iha ne’eba halo ona implementasaun asegura ba rai ne’ebé halai, halo ona lutu hodi kuda ona ai oan, halo ona konservasaun ba be matan oinsa atu asegura ba tempu bai loro naruk” nia dehan.
Entertantu World Vision iha Timor-Leste lansa projetu El-Nino ne’e, Sexta (22/03) foin lalais iha salaun administrasaun munisipiu Covalima, partisipa iha Lansamentu ne’e maka Sekretariu Munisipal ba asuntu Planeamentu Investimentu no Dezenvolvimentu Integrado Munisipiu Covalima, Caetano dos Santos Ribeiro, Administrador Postu Administrativu sira inklui xefe suku no organizasaun FAO iha Timor-Leste.
Jornalista : Julio Salinas
Editor : Chamot Nahac
