Covalima (RCCT) 24-02-25-Domingo ne’e, loron 22 fulan Febreiru hala’e tuku madrugada akontese insidente ahi sunu motuk Angelo Ferreira nia hela fatin iha Aldeia Sadahur, Suku Maudemu, Postu Administrativu Tilomar,
Iha Insendiu ne’e Rezulta Angelo Ferreira ho Familia tenki lakon lakon ninia aihan, osan hamotuk dolar amerikanu atus tolu lima nulu ($ 3,50.00), Motorizada ho marka Honda Supra Fit ida, Batar Bidon rua inklui manu inan hitu no oan ne’ebé ahi sunu motuk iha luhan laran.
“Horiseik kalan tuku rua madrugada ne’ebé derepente ahi lakan iha uma fafuhun nia lakan munu tun iha kalambu ou muskateru no moskiteiru nia ben ne’e kona ha’u nia liman ne’e mak ha’u bok an hodi hader sai mai no ha’u molok sai ahi han iha uma laran lakan barak los entaun ha’u sai mai hodi ai hodi baku oda matan ne’e foin bin ne’e ho bei oan na’in rua halai sai mai liur hafoin atu telfone ba bombeirus sira nian entaun ami nia telfone mos ahi han hotu entaun pasensi ami mos hare deit tanba kalan madrugada hale’u oras tuku 2” Vitima Angelo Fereira konta kronologia .
Akontesementu insendiu ne’e Autoridade Protesaun Sivil no Komisaun Jestaun Deszastre Munisipal,Segunda ohin, fo ona apoiu emerjensia Aihan hanesan Fos, Mina, Supermi,Dose, Susu Ben,Sardina, no apoiu la’os aihan mak hanesan, Lona, Biti, bikan, kanuru, sanan, taxu no seluk tan ba Vitima Angelo Ferreira ho Familia.
Jornalista : Alfredo Barreto
Editor : Chamot Nahac
