Covalima (RCCT) 02-05-21-Tuir informasaun nebe mak Jornalista RCCT asesu katak familia uma kain ida iha suco tazhilin aldeia kulu oan hetan insediu no la konsege salva sasan no aihan iha uma laran tanba impacto husi longa eletrisidade
Vitima dezastre insendiu Abilio Freitas iha Nia Intrevista ba Jornalista Radio Komunidade Cova Taroma, hatete deszatre ne’e akontese iha Sabado tuku 8:00 kalan Tanba impaku husi longa/Sirkuita Eletrisidade.
” Hokalan Ha’u tur Hela derepenti deit, Ha’u hare Ahi lakan makas, ne’e mais ou menus iha tuku 8:00 kalan no Ahi Han Uma ne’e Tanba impakto hosi Ahi eletrisidade” Konta Vitima Abilio.
Abilio Freitas informa Liu Tan iha akontesemento ne’e la resulta ema mate, Maibe sasan uma Laran mak la konsege Salva hotu.
“Ha’u ho Hau Nia oan Sira la iha Ida Mak kanek ou mate ,Maibe Ami Nia sasan Uma laran no aiha hanesa ropa, sasan dapur nian, dokumentos motor, aihan hanesan hare ,batar, inklui mos Osan mak ahi han hotu“ Tenik Abilio
Iha Sorin seluk Xefe Suco Tazhilin Martinho Magno iha Nia intevista hateten relasiona ho akontesemento ne’e Nia (Xefe Suco) liga kedas ba OPS no Xefe do Suco ho komando eskuadra hodi tun direita ba Fatin akontesementu ne’e hodi observa direita Insidente ne’e.
” Ohin dader Ami tun ekipa, Tanba ohin Ha’u kontakto kedas ba OPS no komandante esquadra mos tun direita ba fatin akontesimento no Ha’u rasik ho Ha’u Nia Xefe aAdeia foti ona dadus kona ba Ahi han uma ne’e” Dehan Xefe Suco Martinho.
Tanba ne’e Martinho Magno informa liga ho akontesemento ne’e Nia parte Hato’o ona relatorio Dizital ba Servisu protesaun sivil Liu husi via telefone (WhatApp) Maibe Nia sei hato’o direita depois mak sei kontinua reforsa ho Karta Ofisial ba Servisu Protesaun sivil Covalima.
“Ho Akontesemento ne’e Ha’u seidauk hato’o direita karta ba iha diresaun protesaun sivil Maibe Ha’u hato’o ona akontesemento ne’e ba Sira Via telefone no mos Ha’u manda ona imagen akontesemento ne ba Sira” Xefe Martinho dehan tan.
Jornalista : Jana Cardoso & Becky Sodear
Editor : Chamot Nahac
