Covalima (RCCT) 05-04-23–Servisu Aduaneriu iha Fronteira Postu Integradu Salele Covalima, Durante Periode Janeiru to’o Marsu tinan ne’e asegura sigaru black arrow bal 16, plastik hamotuk saku 20, no motorizada hamotuk hat nebe hatama mai timor leste liu husi dalan ilegal.
Ba Jornalista sira iha nia knar fatin, Diretor Alfadega Iha Fronteira Postu Integradu Salele Covalima, Nuno Nuguera relata Sigaru black arrow bal 16 no plastik hamotuk saku 20 ne’e hatama timor leste lahalo liu husi dalan legal maibe la halo deklarasaun mai alfadega no mos sigaru no platiku ne’e lei timor leste bandu atu hatama mai timor leste.
“Sigura no Platiku sira nebe hatama mai ita nia rai ne’e liu husi dala ilegal, depois ida ne’e ita lei bandu” Diretor Alfadega Iha Fronteira Postu Integradu Salele Covalima, Nuno Nuguera relata
Diretor Alfandega Covalima mos relata konaba sasan kontra bandu hanesan sigaru no plastiku mak durante ne’e asegura iha Alfadega Covalima iha Fronterira Salele dadaun ne’e iha hela prosesu nia laran atu halo destruisaun.
“Sasan Kontra bandu sira ne’e, ita asegura hela, no hein deit atu halo destroisaun” tenik nia
Motorizada hat ne’ebe Alfandega asegura ne’e ho marka Versa 150 cc 2, Yamaha KLX 1 no Mio Beat 1. Motorizada hat ne’e Alfadega simu husi Forsa FDTL destakada iha Fronteira Mota masin mak halo kapturasaun wainhira komunidade sira halo negosio ilegal, maibe motor na’in FFDTL sira lakonsege kaputura.
Ho nune’e Alfadega halo sei prosesa ho ministeriu Publikuno intrega ba patremonia estadu mak foin hare prosesu kontinuasaun.
Iha fatin hanesan, Manuel de Oliveira mak toma responsavel ba area juridisaun Fronteira Salele Covalima, hatete, Tuir deklretu lei 14 bara 2017, merkaduria mak tama timor leste seim dokumentu mak alfandega sei prende hodi submete ba prosesu legal.
Nune’e mos tuir kodigu prosesu penal timor leste artigo 316 hatete ema nebe mak aktividade importasaun no esportasaun mak laliu husi kontrolu alfandega mak sei hetan pena prizaun tina 2-6 ou kona pena de multa.
Entretantu Sigaru Black Arrow bal 16 no Platiku saku 20 nebe alfadega prenda iha ona prosesu nia laran atu halo destruisaun nune mos motorizada hat nebe alfandega asegura iha ona parte juridisaun hein intrega ba ministeriu publiku hodi halo prosesu kontiniasaun.
