Covalima ( RCCT ) 12-05- 21, Prezidente Comisaun Organizador Afonso Nuguera Nahak iha nia servisu fatin informa ba Jornalista RCCT kona ba Komemorasaun loron Restaurasaun Independensia Timor Leste nian ba dala 19 ne’e, Administarasaun Estatal ho Administrador Municipio ajusta ona osan no prepara ona Comisaun Organizadora hodi resposveliza ba realizasaun atividades iha loron Restaurasaun Independensia ne’e.
“ Komemorasaun ba loron Independensia Timor-Leste ba dala 19 iha tinan 2021 ne’e, ha’u hakarak hato’o ba ita bo’ot sira ita tuir orientasaun nebe mai husi Ministeiro da Administrasaun Estatal no mos liu husi Administrador Municipio Covalima katak enkamina ona iha fulan kotu ita prepara tia ona Komisaun Organizadora depois ita mos ajusta ona ita nia Orsamentu” Dehan Komisaun Organizador Afonso Nogueira Nahak
Prezidente Komisaun Organizador ne’e afirma husi Administrasaun Municipio Covalima prepara orsamentu hamutuk $ 9,500 dolares amerikanu.
rihun sia atus lima hodi realiza ba loron restaurasaun independensia 2iha 0 de Maio ba dala 19 iha tinan ne’e .
“ Orsamentu hirak ne’e la mai husi Nivel Nacional, ne’e mai husi Administrasaun Municipio Covalima ne’e rasik, ita nia orsamentu ba tinan ida ne’e hamutuk $ 9,500, no mos osan $ 4.500 ita koloka ba iha Postu Administrativo 6 no kada Posto Administrativo hetan $ 750 , maibe la inklui Postu Administrativu Suai tanba hamutuk ona ho Comisaun Organizadora Municipal nian nebe aloka ona osan ho montante $ 5, 000 nune’e bele realiza akktividade hotu iha isar da bandeira 20 de Maio 2021.” Tenik Xefe Komisaun Afonso Nuguera Nahak
Entertanto Prezidente Komisaun Organizador Afonso Nuguera Nahak hateten ba selebrasaun Loron independensia ba dala 19 ne’e sei Selebrasaun Misa iha Igreza Nossa Senhora Suai, Kari Ai – Funan iha Monumetu 06 de Setembro no Isar Bandeira loron 20 de maio ne’e .
Jornalista : Saturnino Soares & Jose Fereira
Editor : Chamot Nahac
