Covalima (RCCT)-20-02-21- Sidadaun Timor Oan Nain 2 (feto ida mane ida) nebe durante hala’o estudu iha Kupang Indonesia, deporta mai Timor Leste liu husi fronteira Posto Integradu salele-Covalima, husi Sidadau na’in rua ne’e Feto natural husi Municipio Covalima no Mane Natural husi Municipio Ainaro.
Kasu lia ba RCCT Relasiona ho Sidadaun na’in rua nebe mak tama mai Timor Leste liu husi dalan legal iha Fronteira Postu Integradu Salele iha sabado 20-02-21. Administrador Municipio Covalima konsidera Autoridade sira iha Linha Fronteira seidauk simu Karta Sikular No 01/AM.Covalima/II/2021 kona Impoen Serka Sanitaria iha Covalima, tanba karta sikular ne’e hasai iha sexta (19-02-21) loro Kraik tan ne’e ekipa distribuisaun la konsege lori karta ne’e to’o iha autoridade Fronteira sira molok aktividade deportasaun ba sidadaun na’in 2 hala’o iha porta entrada Salele Covalima.
“karta sikular ne’e hasai horsehik lokraik, tan ne’e ita lakonsege distribui karta ne’e to’o iha Fronteira, tamba kalan ona, tanba ne’e ohin dader molok Autoridade sira iha Fronteira simu karta sikular ne’e, sira simu liu ona ita nia ema na’in rua nebe deporta husi Indonesia mai ne’e.” Administrador Covalima Afonso Nuguera Nahak Esplika ba Radio Cova Taroman wainhira halo engkotru Urjenti hodi hasai Karta Sirkular No2.AM.Covalima/II/2021, Ensinu Aprendizazen la Suspende iha Covalima, to’o iha Desizaun husi MEJD, iha sala engkotru administrasaun municipio Covalima.
Ko’alia ba Radio Cova Taroman, Diretor Servisu Saude Municipio Covalima Filipe Perreira Lemos hateten nia parte simu informasaun husi Pesoal Servisu Saude iha Posto Integradu Salele katak sidadaun nain rua tama mai Timor Leste liu husi dalan legal tamba ne’e Pesoal Saude servisu iha Posto integradu halo kedas intervesaun ba prevensaun Covid-19 hafoin deskola sidadaun nain 2 ne’e mai iha Kuarentena Suai Bairo Costa
” Sidadaun nain rua ne’e tama mai iha Timor Leste liu husi dalan Legal, antes mai to’o iha ita nia Nasaun, Saude no siguransa sira iha linha Fronteira Indonesia halo ona teste uluk ona depois mak deporta tama mai iha ita Nasaun laran” Katak Diretur Servisu Saude Covalima Filipe perreira Lemos iha sala egkontru administrasaun Municipio Covalima Sabado (20-02-21)
Diretur Filipe Fundamenta, maske Autoridade iha Fronteira Indonesia halo teste Sidadaun na’in 2 ne’e maibe Servisu Saude Covalima liu husi pessoal Saude nebe destakada iha Fronteira Postu Integradu Salele mos nafatin hala’o sira nia knar liga Propagasaun ba Covid-19.
“mai to’o iha Nasaun Timor Leste Sevisu saude sira mos nafatin halo disinfektan no halo teste ba ema sira ne’e deposi transporta kedas mai karantiña suai hodi Kumpri durante loron 14” tenik Diretur Filipe.
Tanba ne’e Diretur dehan provizoriomentu rezulta teste hatudu sidadaun na’in 2 livre Covid-19, maibe durante Kumpri Loron 14 iha Kuarentena sei halo tested ala rua ba sidadaun nebe tama Kuaretena molok loron 3 atu remata kumpri kuarentena loron 14.
“ sei halo teste dala rua ba sira, primeiru teste no segundu teste iha laboratoriun suai antes loron tolu 3 atu remata kumpri loron 14 iha kuarentiña, se wainhira rezultadu ikus mak hatudu Negativ, sira bele fila ba sira nia rezidensia ka ba sira nia familia” Diretor Servisu Saude Covalima Filipe Perreira Lemos, esplika.
Jornalista : Saturnino Soares & Jose Ferreira
Editor : Chamot Nahac
#Hamutuk_Ita_Luta_Kontra_COVID-19: #Uja_Maskara #Fase_Liman_Beibeik_Ho_Sabaun #Halo_Distansia_Fisiku
