Covalima(RCCT)24-02-23-Administrador Munisípiu Covalima, Fransisco de Andrade, kestiona servisu funsionariu Programa Nasionál Dezenvolvimentu Suku (PNDS) iha Postu administrativu la Pontualidade tanba ne’e nia husu ba oin atu sira nia lista prezensa ne’e ba iha postu, atu nune’e Administrador Postu sira bele halo kontrolu ba sira nia pontualidade serbisu.
“Iha biban ne’e ha’u atu apela kedas liliu ba funsionariu PNDS sira iha postu sira nia lista prezensa aprezenta ba iha administrador postu atu nune’e kontrola sira pontualidade serbisu, tanba dala ruma ita tun halo monitorizasaun ba UKL iha postu ita husu funsionariu PNDS dala ruma xefe suku responde dehan sira seidauk mai husi Suai, tanba ne’e mak iha fulan Marsu agora mai ne’e ha’u tenke tun ba iha Suku hotu atu haree konaba buat ida ne’e” Administrador Munisipiu Covalima, dehan lia ne’e wainhira partisipa iha Sosializasaun dekretu lei No. 8/2013 ba autoridade sira iha salaun administrasaun Munisipiu Covalima Sesta (24/02).
Administrador dehan tan “funsionariu mai ho pontualidade no labele mai tuir vontade deit, tanba iha altura imi tama serbisu la’os governu maka ba dada imi nia liman mai tama serbisu, maibe ema ida idak rasik maka buka serbisu, tanba ne’e bainhira tama ona serbisu tenke serbi halo didiak ba povu no rai ida ne’e.” tenik Administrador Munisipiu Covalima Fransisco de Andrade.
Administradór Covalima nafatin husu ba administradór postu administrativu no xefe suku sira atu halo kontrolu maka’as ba iha funsionariu sira hodi labele fo biban ba atu tama serbisu tuir sira nia hakarak deit, tanba sai servidor ne’e atu hadi’a povu nia moris.
“Labele serbisu tiha mai oras la to’o dauk mos hakarak fila lalais ba uma ida ne’e labele akontese tan, kuandu sai nudar funsionariu ida hala’o serbisu laloos maka ita nia povu sei moris ladiak, tanba sai funsionariu kada fulan simu osan atu halo serbisu ba povu” Administrador Munisipiu Covalima Francisco de Andrade dehan.
Elende ne’e Administrador Munisipiu mos husu mos ba Diretór PNDS Munisipiu fo mata dalan ida ne’e ba xefe suku no administrador postu sira atu bele lee nune’e sira mos bele hatene sira nia kna’ar nidar saida iha PNDS ne’e.
Ho preokupasaun Administrador Covalima nian ne’e mak, Diretór PNDS Munisípiu Covalima Filipe Cardoso, konsidera hanesan informsaun ne’ebe partanente ba prezensa iha pontualidade servisu funsionariu sira nian, hodi garantia kalendaria implementasaun PNDS iha terenu.
“Sim hanesan ohin intervensaun husi Administrador Munisipiu Covalima iha abertura sosializasaun PNDS ano fiskal 2023 kestiona.mos kona-ba pontualidade serbisu funsionariu PNDS, informasaun ida ne’e pertinente tanba ne’e prezensa pontualidade serbisu husi ekipa PNDS iha munisipiu hamutuk ho postu importante atu garantia kalendariu implementasaun PNDS” nia dehan.
Nia sublina, hanesan responsavel PNDS munisipiu iha 10 Novembru 2021 prepara ona sirkular ne’ebé ida nebe hetan aprovasaun husi administrador munisipiu, iha sirkular ne’e enviable kedas sirkular ne’e ba administradór postu sira hotu tanba iha parte ida ejiji duni administrador postu administrativu 7 ninia intervensaun atu kontrola direita ba funsionariu PNDS ne’ebe destakada ba iha postu.
Filipe fundamenta konaba sirkular ne’e deskreve pontus lubuk ida katak administrador postu sira molok aprova lista prezensa kada mes tenke kontrola funsionariu PNDS nia prezensa karik falta tenke tau falta, karik lisensa tenke tau lisensa.
Jornalista : JS
Editor : CN
