Covalima (RCCT) 14-04-21 Quarta-Feria ohin (14-04-21) Autoridade Municipio Covalima inklui Administrador Posto no Xefe Suco sira, nomos Diretores no Xefe Departamento hotu iha Covalima, halo diskusaun ba proposta projeto ba tinan 2022 iha Salaun Administrasaun Municipio Covalima, Proposta Projeto nebe elabora husi Xefe Suku to’o Posto mai liu iha Municipio.
Ba Jornalista RCCT Administrador Municipio Covalima Francisco de Andrade hateten, Diskusaun ida ne’e konaba Proposta Projeto ba tinan 2022, no total projeto hamutuk 40 maibe seidauk iha aprovasaun.
“ Ohin ne’e ita halo diskusaun konaba Proposta Projeto ba tinan 2022, planu ou programa ne’e mai husi Suco no Posto to’o mai Municipio, total Projetos 40 maka ohin tama ona iha prioridade maibe seidauk aprovasaun ” Dehan Administrador Munisipio Covalima.
Administrador Municipio Covalima esplika, sei iha tan diskusasaun ba etapa Segundo, tanba orsamento nebe aloka mai Covalima la kobre hotu ba total Poposta projeto 40.
“ Baseia ba ita nia orsamaento 1.33 Milhoes deit, nebe ida ne’e labele kobre hotu, soke iha reuniaun mai tan maka ita bele foti dezisaun ho lolos, ida nebe maka prioridade liu, tamba Projeto 40 ne’e, naun medigas ita bele kobre hotu husi total ne’e, tanba ne’e sei iha diskusaun ketak ida ” Administrador Salienta.
Entertanto iha diskusaun ne’e partisipa husi Administrador Posto hitu, no Xefe Suco 30, inklui Diretores linhas Ministeriais sira iha Municipio Covalima.
Jornalista : Tynho Gusmão & Lito de Jesus
Editor : Chamot Nahac
