Maibe iha inisiu ano eskolar 2024, eskola sekundaria Jeral publiku suai hapara provizoria Aula aprendizajem iha kelase paralela Salele no Sanfuk hodi konsentral iha eskola sentral, ho razaun menus rekursu umanu. Maske nune’e Diretóra Servisu Munisipal Edukasaun Covalima Elda de Fatima klarifika, klase paralela Salele kontinua la’o tanba la iha karta sirkular.
Maibe antes ne’e Diretór Eskola Sekundaria Jeral Publiku suai, Abel Sarmento deklara la rekuiñese estudante no Profesor sira ne’ebé dadaun ne’e hala’o aula aprendizajem iha Klase Paralela Salele.
Notisia Relevante : https://radiosuai.blogspot.com/2024/03/diretor-esgp-suai-abel-sarmento-la.html
“Maibe iha karta ida dehan katak eskola taka, maibe realidade eskola ne’e la’o hela, ha’u ba cek to iha leten eskola n’ee la taka, ne’ebé to’o agora paralela salele la’o di’ak, hela so deit ema ida rua mak mis komunikasaun ne’e la problema ida, ba tilomar oan loke nafatin iha ne’eba haforsa husi profesor permanente husi Sentral Salele Ema mesak senior, sira ne’e formadu ba profesor, sira no sira mak hanorin iha deder sira hanorin lokraik mos sira ba hanorin sira ba kompleta sira nia oras iha klase paralela salele no mos profesores tilomar oan ne’ebé deder hanorin iha Eskola sentral depois lokraik sira ba kompleta sira nia oras iha paralela salele ne’ebé eskola la’o normal hela la’os be profesor sira mak obriga sira nia oan sira lae inan aman mak kansela sira nia oan sira la mai iha Eskola Sekundaria Geral maibe ba fali iha Eskola salele Entaun halo nusa hakarak ka lakoi profesor sira terseiru siklu mos iha fuan no sira mos voluntariamente sira sakrifsio sira nia an deder sira hanorin lokraik mos sir aba konpleta iha paralela salele” Diretóra Servisu Munisipal Edukasaun Covalima, Elda de Fatima esplika, Domingo ne’e (03/03) hafoin partisipa iha serimonia estandante badeira nasional hodi komemora loron veteranu ba dala 7 iha resinto Administrasaun Covalima.
Diretóra Edukasaun Covalima, Elda de Fatima esplika katak laiha problema konaba profesor husi ensino baziku hanorin iha klase paralela salele tanba material ne’ebe sira lori ne’e tuir kurikulum ensino sekundaria nian.
“Ha’u hanoin la fo dezafiu ba sira tanba sira hanorin n’ee la’os sira uza materi ne’ebé eskola baziku nian sira uza materi ne’ebé mak sekundaria ninian tuir sira nia espesialidade idaidak laos sira foti materi iha eskola basiku nian ba tau iha sekundaria lae sira foti duni material ida ne’ebé maka uza duni iha eskola sekundaria ninian tuir ninia espesialidade ida idak sira so konpleta deit” Elda esplika.
Nia realsa, tempu badak sei koloka profesor sira hodi funsiona fali klase paralele salele ne’e dadaun ne’e estudante sira konstral aula aprendizajem iha eskola sentral.
“Klase paralela sanfuk ita lahapra, hare husi rekursu mak, ita sei hare, ita koloko to’o mak sei dada fali ba fatin, tanba iha eskola seluk profesor sira liu, maibe iha sentral seran kotek profesor menus, ne’ebe ba tempu badak ita sei hare ba karga orariu, sira ne’ebe oras la to’o ne’e sira sei ba kompleta fali iha sanfuk no salele.” Tenik Diretor Elda.
Entertantu Diretóra Servisu Munusipal Edukasaun Covalima Elda de Fatima deklara, klase paralale salele kontinua hala’o aula aprezijam ba estudante sira tan reforsa husi profesor ensino baziku sira ne’ebé sakrifika an hodi hanorin voluntariu ba estudante ensino sekundaria sira iha klase paralela salele. Tanba laiha karta sirkular hapra kelase paralela.
Jornalista : Moichung/Julio Salinas
Editor : Chamot Nahac
